പക്ഷികളും മൃഗങ്ങളുമായി ബന്ധപ്പെട്ട ചിത്രങ്ങളും വീഡിയോകളുമെല്ലാം വളരെ പെട്ടന്നു തന്നെ സൈബര് ലോകത്ത് ശ്രദ്ധ പിടിച്ചു പറ്റാറുണ്ട്. അത്തരത്തില് ഒരു ചിത്രമാണ് ഇപ്പോള് സോഷ്യല് മീഡിയയില് വൈറലായിരിക്കുന്നത്. ഐ എഫ് എസ് ഉദ്യോഗസ്ഥനായ പര്വീന് കസ്വാനാണ് ഒരു രാജവെമ്പാല, മൂര്ഖന് പാമ്പിനെ അകത്താക്കുന്ന ചിത്രം ട്വിറ്ററില് പങ്കുവെച്ചത്.
നിമിഷങ്ങള്ക്കകം തന്നെ ചിത്രം ട്വിറ്ററില് വൈറലായി. ഒരേസമയം കൗതുകം ഉണര്ത്തുകയും ഭീതിപ്പെടുത്തുകയും ചെയ്യുന്ന ചിത്രമാണ് പര്വീന് കസ്വാന് ഷെയര് ചെയ്തത്. ഒരു രാജവെമ്പാല, അതിന്റെ വകഭേദത്തില്പ്പെട്ട ഇരയെ തിന്നുന്ന അപൂര്വമായ കാഴ്ച.
മൃഗസംരക്ഷണ സര്ക്കിളുകളില് അറിയപ്പെടുന്ന ഉദ്യോഗസ്ഥനാണ് പര്വീന് കസ്വാന്. ഒരു മൃഗസ്നേഹിയായ കസ്വാന് എല്ലായ്പ്പോഴും തന്റെ ട്വിറ്ററിലെ സുഹൃത്തുക്കള്ക്കായി ലോകമെമ്പാടുമുള്ള മൃഗങ്ങളുടെ നിരവധി ചിത്രങ്ങളും വിവരങ്ങളും പങ്കുവെയ്ക്കാറുണ്ട്.
