ടോക്കിയോ: ഒളിംപിക്സ് വനിതാ ബാഡ്മിന്റണ് സിംഗിള്സില് ഇന്ത്യയുടെ പിവി സിന്ധുവിന് അനായാസ ജയം. ഗ്രൂപ്പ് ജെയിലെ ആദ്യ മത്സരത്തിലാണ് സിന്ധുവിന്റെ ജയം. ഇസ്രയേലിന്റെ സെനിയ പോളികാര്പോവയെ നേരിട്ടുള്ള ഗെയിമുകള്ക്കാണ് സിന്ധു പരാജയപ്പെടുത്തിയത്. സ്കോര്: 21-7, 21-10.
2016 റിയോ ഒളിമ്പിക്സിലെ വെള്ളി മെഡല് ജേതാവായ സിന്ധുവിന് യാതൊരു വെല്ലുവിളിയുയർത്താനും പോളികാര്പോവയ്ക്ക് ആയില്ല.
അതേസമയം, ടെന്നീസിൽ ഇന്ത്യയ്ക്ക് നിരാശയാണ് ഇന്നുണ്ടായത്. വനിതകളുടെ ടെന്നീസ് ഡബിൾസിൽ ഇന്ത്യയുടെ സാനിയ മിർസ – അങ്കിത റെയ്ന സഖ്യം ആദ്യ റൗണ്ടിൽ പരാജയപ്പെട്ടു. യുക്രൈയ്ന്റെ ല്യുദ്മില കിചെനോക് – നാദിയ കിചെനോക് സഹോദരിമാരാണ് സാനിയ സഖ്യത്തെ തോൽപ്പിച്ചത്. സ്കോർ 6–0, 6–7, 8–10.
