കണ്ണൂർ : കളക്ടറേറ്റിലെ ആർഡിഒ ഓഫീസിൽ സംഘർഷമുണ്ടാക്കിയ സംഭവത്തിൽ അറസ്റ്റിലായ ഇ – ബുൾജെറ്റ് വ്ളോഗർമാർക്ക് ജാമ്യം. കണ്ണൂർ മുൻസിഫ് കോടതിയാണ് ജാമ്യം അനുവദിച്ചത്. 3500 രൂപ വീതം പിഴയടയ്ക്കാൻ ഇരുവരോടും കോടതി ഉത്തരവിട്ടു.
പൊതുമുതൽ നശിപ്പിച്ചതിനാണ് പിഴ. ഗതാഗത നിയമ ലംഘനത്തിന് പിഴ അടയ്ക്കാമെന്നും, ജാമ്യം അനുവദിക്കണമെന്നും വ്ളോഗർമാർ കോടതിയിൽ പറഞ്ഞിരുന്നു. ഇതുകൂടി പരിഗണിച്ചാണ് ജാമ്യം അനുവദിച്ചത്.
കഴിഞ്ഞ ദിവസമാണ് പോലീസ് ഇരുവരെയും അറസ്റ്റ് ചെയ്തത്. ഗതാഗത നിയമം ലംഘിച്ച കുറ്റത്തിന് ഇവരുടെ നെപ്പോളിയൻ എന്ന പേരുള്ള വാഹനം മോട്ടോർ വാഹന വകുപ്പ് കസ്റ്റഡിയിൽ എടുത്തിരുന്നു. ഇത് തിരികെ വാങ്ങാൻ ഓഫീസിൽ എത്തിയപ്പോഴായിരുന്നു സംഘർഷം.
ഉദ്യോഗസ്ഥരെ ഭീഷണിപ്പെടുത്തിയ ഇരുവരും കയ്യേറ്റം ചെയ്യാനും ശ്രമിച്ചു. തുടർന്നാണ് പോലീസ് അറസ്റ്റ് ചെയ്തത്.
Comments