ജയ്പൂർ : തലച്ചോറിലെ ശസ്ത്രക്രിയയ്ക്കിടെ ഗായത്രീ മന്ത്രം ഉരുവിട്ട് 57കാരൻ. ചുരു സ്വദേശിയായ രിദ്മൽ റാം ആണ് നാല് മണിക്കൂർ നീണ്ട ശസ്ത്രക്രിയയിലുടനീളം ഗായത്രി മന്ത്രം ഉരുവിട്ട് ഡോക്ടർമാർക്ക് അത്ഭുതമായത്. തലച്ചോറിൽ ട്യൂമർ ബാധിച്ച അദ്ദേഹത്തിന്റെ സംസാര ശേഷി പൂർണമായി നഷ്ടമായിരുന്നു.
ജയ്പൂരിലെ നാരായണാ ആശുപത്രിയിലായിരുന്നു ശസ്ത്രക്രിയ. ആശുപത്രിയിലെ തന്നെ പ്രത്യോ ന്യൂറോ സർജറി വിദഗ്ധരായിരുന്നു ശസ്ത്രക്രിയയിൽ പങ്കെടുത്തത്. ട്യൂമർ നീക്കം ചെയ്യാൻ ആരംഭിച്ചതു മുതൽ അദ്ദേഹം ഗായത്രി മന്ത്രം നിർത്താതെ ഉരുവിടുകയായിരുന്നുവെന്ന് ഡോക്ടർമാർ പറയുന്നു.
കഴിഞ്ഞ ആഴ്ചയാണ് റാമിന് തലച്ചോറിൽ ട്യൂമറുള്ളതായി കണ്ടെത്തിയത്. സംസാരശേഷി നഷ്ടമായതിനെ തുടർന്ന് തുടർന്ന് ചികിത്സതേടിയ അദ്ദേഹത്തെ വിശദമായി പരിശോധിച്ചപ്പോഴായിരുന്നു ട്യൂമറുള്ളതായി കണ്ടെത്തിയത്. ഉടനെ ശസ്ത്രക്രിയയിലൂടെ നീക്കം ചെയ്യണെമെന്ന് അറിയിക്കുകയായിരുന്നു. ഇതേ തുടർന്നാണ് അദ്ദേഹം ശസ്ത്രക്രിയ്‌ക്ക് വിധേയനായത്.
ഇതിന് മുൻപും തലച്ചോറിലെ ശസ്ത്രക്രിയയ്ക്കിടെ മന്ത്രം ഉരുവിട്ട സംഭവം ഉണ്ടായിട്ടുണ്ട്. 2018 ൽ തലച്ചോറിലെ ട്യൂമർ നീക്കുന്നതിനിടെ 30 കാരൻ ഹനുമാൻ ചാലിസ ചൊല്ലിയത് വലിയ വാർത്തയായിരുന്നു.
