ന്യൂഡല്ഹി: ആരോഗ്യമേഖലയില് പുരോഗതിയുടെ പാതയില് രാജ്യം. രണ്ട് വര്ഷം കഴിഞ്ഞാല് ലോകാരോഗ്യ സംഘടന ശുപാര്ശ ചെയ്യുന്ന ഡോക്ടര്- ജനംസംഖ്യ അനുപാതം കൈവരിക്കുന്നതിനുള്ള പാതയിലാണ് രാജ്യമെന്ന് നീതി ആയോഗ്.
2024 ഓടെ ജനസംഖ്യ-ഡോക്ടര് അനുപാതം 1000 ന് 1.03 ആവും. ലോകാരോഗ്യ സംഘടനയുടെ മാനദണ്ഡത്തേക്കാള് 0.3 കൂടുതലാണിത്. നിലവില് രാജ്യത്ത് അനുപാതം 0.77 ആണ്.
മിക്ക വികസിത രാജ്യങ്ങളിലും 1000 പേര്ക്ക് മൂന്ന് ഡോക്ടര്മാര് എന്ന നിലയിലാണ്. 2030 ആകുമ്പോഴേക്കും ഇന്ത്യക്കും ഈ നേട്ടം കൈ വരിക്കാന് ആകുമെന്നാണ് പ്രതീക്ഷിക്കുന്നത്. മെഡിക്കല് കോളേജുകളില് എം.ബി.ബി.എസ് പഠിച്ചിറങ്ങുന്നവരുടെ എണ്ണത്തിലെ വര്ദ്ധനവ് തുടരുന്നത് ഈ പ്രതീക്ഷക്ക് ആക്കം കൂട്ടുന്നു.
സ്വാതന്ത്ര്യസമയത്ത് ഇന്ത്യന് ജനതയുടെ ശരാശ്ശരി ആയുസ്സ് 28 വര്ഷമായിരുന്നു. ഇപ്പോളത് 70 വര്ഷത്തോട് അടുത്തെന്ന് നീതി ആയോഗ് അംഗം വിനോദ് പോള് പറഞ്ഞു.ആശുപത്രി കിടക്കകളുടെ എണ്ണം 11 ലക്ഷത്തില് നിന്ന് 22 ലക്ഷമായി ഉയര്ത്തുമെന്നും അദ്ദേഹം കൂട്ടി ചേര്ത്തു.
