മുംബൈ: ഓഹരി വിപണിയിൽ റെക്കോർഡ് നേട്ടവുമായി സെൻസെക്സും നിഫ്റ്റിയും. വ്യാപാര ആഴ്ചയുടെ അവസാന ദിനത്തിൽ സെൻസെക്സ് 55430 പോയിന്റും നിഫ്റ്റി 16520 പോയിന്റുമായി വ്യാപാരം അവസാനിപ്പിച്ചു.
സെൻസെക്സ് 593.31 പോയിന്റ് ഉയർന്നപ്പോൾ നിഫ്റ്റി 164.70 പോയിന്റ് നേട്ടമുണ്ടാക്കി. ടാറ്റ കൺസ്യൂമർ പ്രൊഡക്ട്സ്, ടിസിഎസ്, എൽആൻഡ്ടി, ഭാരതി എയർടെൽ, എച്ച്സിഎൽ ടെക് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്.
ഐഷർ മോട്ടോഴ്സ്, ഡോ. റെഡ്ഡീസ് ലാബ്, സിപ്ല,പവർഗ്രിഡ്, ബ്രിട്ടാനിയ തുടങ്ങിയ ഓഹരികൾ നഷ്ടം നേരിട്ടു. വെളളിയാഴ്ച ഓഹരി വിപണികൾ ഒരു ശതമാനത്തോളം നേട്ടമുണ്ടാക്കി. ഐടി, മെറ്റൽ, എഫ്എംസിജി ഓഹരികളിലെ മുന്നേറ്റമാണ് വിപണിക്ക് കരുത്തായത്.
Comments