മലപ്പുറം: വീട്ടുകാരെ പേടിപ്പിക്കാനായി തൂങ്ങിമരിക്കുന്നതായി അഭിനയിക്കുന്നതിനിടെ കയർ കഴുത്തിൽ കുരുങ്ങി ആറാം ക്ലാസ് വിദ്യാർഥിക്ക് ദാരുണാന്ത്യം. കണ്ണമംഗലം വാളക്കുടയിൽ താമസിക്കുന്ന എആർ നഗർ സ്വദേശി അഷ്റഫിന്റെ മകൻ മുഹമ്മദ് അഫ്നാസ് (11) ആണ് മരിച്ചത്.
എടക്കാപറമ്പ് എഎംഎം യുപി സ്കൂളിലെ വിദ്യാർഥിയായിരുന്നു അഫ്നാസ്. സ്കൂളിലേക്ക് പോകാൻ ഒരുങ്ങുന്നതിനിടെ വീട്ടുകാർ വഴക്കുപറഞ്ഞതിനെ തുടർന്നാണ് കുട്ടി ഇത്തരത്തിൽ അഭിനയിച്ചത്. ജനലിൽ കയർ കെട്ടിയ ശേഷം തൂങ്ങുന്നതായി കാണിക്കുകയായിരുന്നു. ഇതിനിടെ അപ്രതീക്ഷിതമായി കയർ കഴുത്തിൽ മുറുകുകയായിരുന്നു.
സംഭവത്തിന് പിന്നാലെ കുട്ടിയെ ഉടൻ കുന്നുംപുറത്തെ സ്വകാര്യ ആശുപത്രിയിലും തുടർന്ന് കൊണ്ടോട്ടിയിലെ സ്വകാര്യ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മഞ്ചേരി മെഡിക്കൽ കോളേജ് ആശുപത്രിയിലേക്ക് മാറ്റി.
