സിഡ്നി:ടി-20 ലോകകപ്പിനുള്ള ഓസ്ട്രേലിയൻ സംഘത്തെ പ്രഖ്യാപിച്ചു. പതിനഞ്ച് അംഗ ടീമിനെയാണ് പ്രഖ്യാപിച്ചിരിക്കുന്നത്. ആരോൺ ഫിഞ്ച് ആണ് ടീമിനെ നയിക്കുക. സ്റ്റീവ് സ്മിത്ത്, ഡേവിഡ് വാർണർ, പാറ്റ് കമിൻസ് എന്നിവർ ടീമിലേക്ക് മടങ്ങിയെത്തി.കൈമുട്ടിനേറ്റ പരിക്കിനെ തുടർന്നാണ് സ്മിത്ത് മാറി നിന്നത്.ഫിഞ്ച്. കെയ്ൻ റിച്ചാർഡ്സൻ, ഗ്ലെൻ മാക്സ് വെൽ എന്നിവരും ഇടവേളയ്ക്ക് ശേഷം ടീമിലേക്ക് തിരിച്ചെത്തി.ഓസ്ട്രേലിയക്കായി ഇതുവരെ അരങ്ങേറ്റം കുറിച്ചിട്ടില്ലാത്ത വിക്കറ്റ് കീപ്പർ ജോഷ് ഇൻഗ്ലിസിനെ ടീമിൽ ഉൾപ്പെടുത്തി. ആഭ്യന്തര ക്രിക്കറ്റിലെയും ടി-20 ലീഗുകളിലേയും മികച്ച പ്രകടനമാണ് ജോഷ് ഇൻഗ്ലസിന് ടീമിലേക്കുള്ള വഴിയൊരുക്കിയത്.
ആരോൺ ഫിഞ്ച്(ക്യാപ്റ്റൻ), പാറ്റ് കമ്മിൻസ്(ഉപ നായകൻ), ആഷ്ടൺ അഗർ, ജോഷ് ഹേസൽവുഡ്, ജോഷ് ഇംഗ്ലിസ്, മിച്ചൽ മാർഷ്, ഗ്ലെൻ മാക്സ്വെൽ, കെയ്ൻ റിച്ചാർഡ്സൺ, സ്റ്റീവ് സ്മിത്ത്, മിച്ചൽ സ്റ്റാർക്ക്, മാർക്കസ് സ്റ്റോയിനിസ്, മാത്യു വെയ്ഡ്, ഡേവിഡ് വാർണർ, ആദം സാംപ, മിച്ചൽ സ്വപ്സൺ.എന്നിവരാണ് ടീമിലുള്ളത്.
ഇന്ത്യ വേദിയാവേണ്ടിയിരുന്ന ടൂർണമെന്റ് കൊവിഡ് പശ്ചാത്തലത്തിൽ യുഎഇയിലേക്കും ഒമാനിലേക്കും മാറ്റുകയായിരുന്നു. ഒക്ടോബർ 23ന് ദക്ഷിണാഫ്രിക്കയ്ക്കെതിരെയാണ് ഓസീസിന്റെ ആദ്യ മത്സരം. നിലവിലെ ചാമ്പ്യന്മാരായ വെസ്റ്റ് ഇൻഡീസ്, ഇംഗ്ലണ്ട്, ഓസ്ട്രേലിയ, ദക്ഷിണാഫ്രിക്ക എന്നിവർ ഗ്രൂപ്പ് ഒന്നിലും ഇന്ത്യ, പാക്കിസ്ഥാൻ, ന്യൂസിലൻഡ്, അഫ്ഗാനിസ്ഥാൻ ടീമുകൾ ഗ്രൂപ്പ് രണ്ടിലുമാണ്.ഒക്ടോബർ 17 മുതലാണ് പ്രാഥമിക റൗണ്ട് ആരംഭിക്കുക
