ലണ്ടൻ: അഫ്ഗാൻ ജനതയ്ക്ക് ഐക്യദാർഢ്യവും താലിബാൻ ഭീകരതയ്ക്ക് താക്കീതുമായി ലണ്ടനിൽ വൻ റാലി. മധ്യ ലണ്ടനിലെ ഹൈഡൽ പാർക്കിന് സമീപം നടന്ന റാലിയിൽ ആയിരങ്ങൾ അണിനിരന്നു. അഫ്ഗാനിസ്ഥാന്റെ പതാകയുമായാണ് പ്രകടനം നടത്തിയത്. ലോക സമാധാനത്തിനും ജനാധിപത്യത്തിനും താലിബാൻ ഭീഷണിയാണെന്ന് പ്രകടനത്തിൽ മുദ്രാവാക്യം മുഴങ്ങി.
അന്താരാഷ്ട്ര സമൂഹം താലിബാന്റെ ക്രൂരതകൾക്കെതിരെ പ്രതികരിക്കണമെന്നം പ്രകടനക്കാർ ആവശ്യപ്പെട്ടു. റോമിലെ റിപബ്ലിക് സ്ക്വയറിൽ നടന്ന താലിബാൻ വിരുദ്ധ റാലിയിലും വൻ ജനക്കൂട്ടം അണിചേർന്നു. അഫ്ഗാൻ പൗരന്മാരോട് ഐക്യദാർഢ്യം പ്രകടിപ്പിച്ച് നടന്ന റാലിയിൽ നിരവധി മാധ്യപ്രവർത്തകർ ഉൾപ്പെടെ നിരവധി ഇറ്റാലിയൻ പൗരന്മാരും പങ്കെടുത്തു.
നേരത്തെ അമേരിക്കയിൽ വൈറ്റ്ഹൗസിനു മുന്നിലും പ്രകടനം നടന്നിരുന്നു. ബൈഡൻ ഭരണകൂടം അഫ്ഗാൻ ജനതയെ വഞ്ചിച്ചുവെന്ന് പ്രതിഷേധക്കാർ ആരോപിച്ചു. കാബൂൾ താലിബാൻ കീഴടക്കിയതോടെ അഫ്ഗാനിസ്ഥാനിൽ കടുത്ത മനുഷ്യാവകാശങ്ങളും ക്രൂരതകളുമാണ് അരങ്ങേറുന്നത്. ഇതിനെതിരെ ലോകമാകെ വൻ പ്രതിഷേധമാണ് ഉയരുന്നത്.
Comments