കാബൂൾ : ഇന്ത്യയിലേക്ക് വരാൻ ഒരുങ്ങിയ സിഖ് തീർത്ഥാടകരെ തടഞ്ഞ് താലിബാൻ ഭീകരർ. ഇന്നലെ രാത്രിയായിരുന്നു സംഭവം. ഡൽഹിയിലേക്ക് വരാൻ ശ്രമിച്ച 140 തീർത്ഥാടകരെയാണ് വിമാനത്താവളത്തിൽ താലിബാൻ തടഞ്ഞത്.
ഗുരു തേജ് ബഹാദൂറിന്റെ 400ാം ജന്മവാർഷികത്തോടനുബന്ധിച്ചുള്ള ആഘാഷ പരിപാടികളിൽ പങ്കെടുക്കുന്നതിനായിരുന്നു തീർത്ഥാടകർ ഇന്ത്യയിലേക്ക് വരാൻ ഒരുങ്ങിയത്. എന്നാൽ വിമാനം കയറാൻ കാബൂൾ വിമാനത്താവളത്തിൽ എത്തിയ ഇവരെ ആയുധങ്ങളുമായി എത്തിയ ഭീകരർ തടയുകയായിരുന്നു. ആഘോഷ പരിപാടിയിൽ പങ്കെടുക്കാനാണെന്ന് അറിയിച്ചെങ്കിലും താലിബാൻ വിസമ്മതിക്കുകയായിരുന്നുവെന്ന് ശ്രീ ഗുരു അജ്രാൻ ദേവ് ജി ഗുരുദ്വാര അദ്ധ്യക്ഷൻ പ്രതാപ് സിംഗ് പറഞ്ഞു. ഞായറാഴ്ചയാണ് ഗുരു തേഗ് ബഹദൂറിന്റെ ജന്മവാർഷികം.
അതേസമയം ആഘോഷങ്ങളിൽ പങ്കെടുക്കാൻ അഫ്ഗാനിലെ സിഖ് ജനത ഇന്ത്യൻ സർക്കാരിന്റെ സഹായം തേടിയിട്ടുണ്ട്. പരിപാടിയിൽ പങ്കെടുക്കാനുള്ള സൗകര്യങ്ങൾ ഒരുക്കി നൽകാൻ ഇന്ത്യൻ സർക്കാരിനോട് അഭ്യർത്ഥിച്ചതായി ഗുരു നാനക് സാഹിബ് ഗുരുദ്വാര പ്രസിഡന്റ് ഗുൽജീത് സിംഗ് പറഞ്ഞു.
Comments