ഇസ്ലാമാബാദ്: മൈൻ സ്ഫോടനത്തിൽ മൂന്ന് പാകിസ്താൻ സൈനികർ കൊല്ലപ്പെട്ടു. തെക്ക് പടിഞ്ഞാറൻ ബലൂചിസ്താൻ പ്രവിശ്യയിൽ ഉൾപ്പെട്ട സിയാറാത്ത് ജില്ലയിലെ മാംഗി ഡാം പരിസരത്ത് വെച്ചാണ് സ്ഫോടനം നടന്നത്.
സൈനികർ സഞ്ചരിച്ചിരുന്ന വഴിയിൽ കുഴിച്ചിട്ടിരുന്ന മൈൻ പൊട്ടിത്തെറിക്കുകയായിരുന്നു. മൂന്ന് പേർക്ക് പരിക്കേറ്റു. മേഖലയിൽ പട്രോളിംഗ് നടത്തുകയായിരുന്നു സൈനികർ. പാക് സേനയിലെ അർദ്ധസൈനിക വിഭാഗത്തിലെ അംഗങ്ങളാണ് കൊല്ലപ്പെട്ടവർ.
സൈനിക വാഹനം മൈനിൽ തട്ടിയയുടൻ വൻ ശബ്ദത്തോടെ പൊട്ടിത്തെറിക്കുകയായിരുന്നു. വാഹനം പൂർണ്ണമായി തകർന്നു. സ്ഫോടനത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. കുറ്റക്കാരെ കണ്ടെത്തുന്നതിനായി പോലീസും സൈന്യവും മേഖലയിൽ വ്യാപകമായ തെരച്ചിൽ നടത്തി.
Comments