ടോക്കിയോ: ഒളിമ്പിക്സിന് പിന്നാലെ പാരാലിമ്പിക്സിലും മെഡൽ ഉറപ്പിച്ച് ഇന്ത്യ. വനിതാ വിഭാഗം ടേബിൾ ടെന്നീസിൽ ഭാവിനാ പട്ടേലാണ് മുന്നേറിയത്. സെമിഫൈനലിലേക്ക് കടന്നതോടെയാണ് ഭാവിന മെഡൽ ഉറപ്പാക്കിയത്.
ലോക രണ്ടാം നമ്പർ സെർബിയയുടെ ബോറിസ്ലാവ് റാൻകോവിച്ച് പെരിച്ചിനെയാണ് ഭാവിന അട്ടിമറിച്ചത്. എതിരില്ലാത്ത മൂന്ന് സെറ്റുകൾക്കാണ് ഭാവിന അവിശ്വസനീയ ജയം സ്വന്ത മാക്കിയത്. 11-5, 11-6, 11-7 എന്ന നിലയിലായിരുന്നു ഭാവിനയുടെ വിജയം. ഇതോടെ ഭാവിനയ്ക്ക് വെങ്കല മെഡൽ ഉറപ്പാകുകയും ചെയ്തു.
54 അംഗ ഇന്ത്യൻ സംഘം മാറ്റുരയ്ക്കുന്ന പാരാലിമ്പിക്സിൽ ഭാവിനയിലൂടെയാണ് ഇന്ത്യയുടെ ആദ്യമെഡൽ ഉറപ്പിച്ചത്.
