ഓവൽ: ഇംഗ്ലീഷ് മണ്ണിൽ പരമ്പരനേടാൻ യുവതാരത്തെ ഇറക്കാനൊരുങ്ങി ഇന്ത്യ. തികച്ചും അപ്രതീക്ഷിതമായ നീക്കമാണ് ബി.സി.സി.ഐ നടത്തിയത്. യുവ പേസ് ബൗളർ പ്രസിദ്ധ് കൃഷ്ണയെ ഉൾപ്പെടുത്തിയാണ് ടീം പ്രഖ്യാപിച്ചത്. ഈ പര്യടനത്തിൽ ടീമിനൊപ്പമുള്ള പ്രസിദ്ധിന് ഇംഗ്ലണ്ടിനെതിരെ ടെസ്റ്റിൽ അരങ്ങേറ്റം കുറിയ്‌ക്കാനുള്ള അവസരമാണ് കൈവന്നിരിക്കുന്നത്.
UPDATE – Prasidh Krishna added to India’s squad
More details here – https://t.co/Bun5KzLw9G #ENGvIND pic.twitter.com/IO4JWtmwnF
— BCCI (@BCCI) September 1, 2021
ഇംഗ്ലണ്ടിൽ പേസ് നിരയിൽ വ്യത്യസ്തത സൃഷ്ടിച്ചാണ് നാലാം ടെസ്റ്റിനെ നേരിടാൻ ഇന്ത്യ ഒരുങ്ങുന്നത്. ഇതോടെ പേസ് നിരയിലുള്ളവരുടെ എണ്ണം ഏഴായി. ജസ്പ്രീത് ബുമ്ര, മുഹമ്മദ് ഷമി, ഇഷാന്ത് ശർമ്മ, ഉമേഷ് യാദവ്, ശാർദ്ദൂൽ ഠാക്കൂർ, മുഹമ്മദ് സിറാജ് എന്നിവരാണ് നിലവിൽ സ്ക്വാഡിലുള്ളത്.
നാളെ ഉച്ചകഴിഞ്ഞ് 3.30നാണ് മത്സരം ആരംഭിക്കുന്നത്. ലീഡ്‌സിലെ തകർച്ചയിൽ നിന്നും പാഠം ഉൾക്കൊണ്ടാകും ഇന്ത്യ ലീഡിനായി ശ്രമിക്കുക. ബാറ്റിംഗിലെ കരുത്തുകൂട്ടാതെ ഇംഗ്ലീഷ് മണ്ണിൽ ജയിക്കാനാകില്ലെന്ന വസ്തുത ഇന്ത്യ ആദ്യ ടെസ്റ്റിലും മൂന്നാം ടെസ്റ്റിലും തിരിച്ചറിഞ്ഞിട്ടുണ്ട്. ഇതിനിടെ ഇംഗ്ലണ്ടിനെതിരെ സ്പിന്നർമാരുടെ എണ്ണം കൂട്ടി അശ്വിനെ രംഗത്തിറക്കുമോ എന്നതിൽ ഇതുവരെ തീരുമാനം ആയിട്ടില്ല. നാളെ ഇറങ്ങുന്ന പതിനൊന്നംഗ ടീമിനെ പ്രഖ്യാപിച്ചിട്ടില്ല. പരമ്പരയിൽ നിലവിൽ ഇരുടീമുകളും 1-1 എന്ന നിലയിൽ സമനില പിടിച്ചിരിക്കുകയാണ്.
