ടോക്കിയോ: പാരാലിമ്പിക്സിൽ നേട്ടം കൊയ്യാനൊരുങ്ങി ബാഡ്മിന്റൺ താരങ്ങളും. പുരുഷ ന്മാരിൽ സുഹാസ് യതിരാജും തരുൺ ധില്ലനുമാണ് ഗ്രൂപ്പ് ഘട്ടത്തിലെ ആദ്യ മത്സരം ജയിച്ചത്. സുഹാസ് ജർമ്മനിയുടെ ജാൻ നിക്കലാസ് പോട്ടിനേയും തരുൺ തായ്ലന്റിന്റെ സിറിപോംഗ് തീമാരോമിനേയുമാണ് പരാജയപ്പെടുത്തിയത്.
എസ്.എൽ-4 വിഭാഗത്തിലെ ഗ്രൂപ്പ് എ മത്സരത്തിലാണ് സുഹാസ് മുന്നേറിയത്. 21-9, 21-3 എന്ന നിലയിൽ തികച്ചും ആധികാരിക ജയമാണ് ഇന്ത്യൻ താരം ജർമ്മൻ താരത്തിനെതിരെ നേടിയത്. സർക്കാർ ഉദ്യോഗസ്ഥനായ സുഹാസ് 19 മിനിറ്റിൽ മത്സരം പൂർത്തിയാക്കി. ഗ്രൂപ്പ് ബി മത്സരത്തിൽ തരുൺ 21-7,21-13 എന്ന നിലയിലാണ് തായ്ലാന്റ് താരത്തിനെ തോൽപ്പിച്ചത്.
ഇന്നലെ നടന്ന ആദ്യമത്സരത്തിൽ ഇന്ത്യയുടെ മികച്ച താരവും പാരാലിമ്പിക്സിലെ ടോപ് സീഡുമായ പ്രമോദ് ഭഗത് ഇന്ത്യയുടെ തന്നെ മനോജ് സർക്കാറിനെ തോൽപ്പിച്ചു. 21-10, 21-23, 21-9 എന്ന നിലയിലാണ് മുന്നേറിയത്.
Comments