ന്യൂഡൽഹി: സിയാസ്, എർട്ടിഗ, വിറ്റാര ബ്രേസ, എസ്-ക്രോസ്, എക്സ്എൽ 6 എന്നിവയുടെ ചില പെട്രോൾ വേരിയന്റുകൾ തിരിച്ചുവിളിക്കുന്നതായി മാരുതി സുസുക്കി ഇന്ത്യ ലിമിറ്റഡ് പ്രഖ്യാപിച്ചു. 2018 മേയ് 4നും 2020 ഒക്ടോബർ 27നും ഇടയിൽ നിർമ്മിച്ച 1,81,754 യൂണിറ്റുകളിൽ തകരാറുകളുണ്ടോയെന്ന് പരിശോധിക്കുന്നതിനാണിത്.
ഉപഭോക്താക്കൾക്ക്, മോട്ടോർ ജനറേറ്റർ യൂണിറ്റുകളുടെ പരിശോധനയും ഇവ മാറ്റിസ്ഥാപിക്കാനും വേണ്ട സജ്ജീകരണം കമ്പനി ഒരുക്കും. വാഹന ഉടമകൾക്ക് മാരുതി സുസുക്കി അംഗീകൃത വർക്ക് ഷോപ്പുകളിൽ ബന്ധപ്പെട്ടാം. പിഴവ് ബാധിച്ച ഭാഗങ്ങൾ മാറ്റി സ്ഥാപിക്കുന്നത് 2021 നവംബർ മുതൽ ആരംഭിക്കും. അതുവരെ ഉപഭോക്താക്കൾ വെള്ളക്കെട്ടുള്ള പ്രദേശങ്ങളിൽ വാഹനമോടിക്കുന്നത് ഒഴിവാക്കണമെന്നും കമ്പനി അറിയിച്ചു.
വാഹന ഉടമകൾക്ക് കമ്പനി വെബ്സൈറ്റുകളിൽ വിവരങ്ങൾ നൽകാം.
Comments