ലണ്ടൻ: ഓവൽ ക്രിക്കറ്റ് ടെസ്റ്റിൽ ഇന്ത്യയ്ക്ക് ജയം. 157 റൺസിന് ഇംഗ്ലണ്ടിനെ പരാജയപ്പെടുത്തി പരമ്പരയിൽ ഇന്ത്യ 2-1ന് മുന്നിലെത്തി. രണ്ടാം ഇന്നിങ്‌സിൽ 368 വിജയ ലക്ഷ്യമിട്ടിറങ്ങിയ ഇംഗ്ലണ്ട് 210 റൺസിന് പുറത്തായി. ഉമേഷ് യാദവ് മൂന്ന് വിക്കറ്റ് എടുത്ത് തിളങ്ങി. ബുംറ, ജഡേജ, ഷാർദൂൽ രണ്ട് വിക്കറ്റ് വീതം വീഴ്‌ത്തി.
ആദ്യ ഇന്നിങ്‌സിൽ ലീഡ് നേടിയിട്ടും ഇംഗ്ലണ്ടിന് വിജയം നേടാനായില്ല. രണ്ടാം ഇന്നിങ്‌സിൽ അവിശ്വസനീയമായ പ്രകടനം കാഴ്‌ച്ചവെച്ച ഇന്ത്യൻ പട ഇംഗ്ലണ്ടിനെ മുട്ടുകുത്തിയ്‌ക്കുകയായിരുന്നു. പരമ്പരയിലെ അവസാന മത്സരം സെപ്തംബർ പത്തിന് മാഞ്ചെസ്റ്ററിൽ വെച്ച് നടക്കും.
