കൊൽക്കത്ത: ഡ്യൂറന്റ് കപ്പിൽ നിലവിലെ ചാമ്പ്യന്മാരായ ഗോകുലം എഫ്സിക്ക് ആദ്യ മത്സരത്തിൽ സമനില. ഗ്രൂപ്പ് ഡിയിൽ നടന്ന മത്സരത്തിൽ ആർമി റെഡാണ് ഗോകുലത്തെ സമനിലയിൽ കുരുക്കിയത്. ഇരു ടീമുകളും രണ്ട് ഗോളുകൾ വീതം സ്കോർ ചെയ്തു.
മത്സരത്തിന്റെ ഒമ്പതാം മിനിറ്റിൽ ഘാന താരം റഹീം ഓസുമാനുവിലൂടെ ഗോകുലം ലീഡെടുത്തു. കളിയുടെ 30ാം മിനിറ്റിൽ ജെയ്നിലൂടെ ആർമി തിരിച്ചടിച്ചു. സമനില നേടി 10 മിനിറ്റ് തികയും മുമ്പ് ഗോകുലം ഗോൾകീപ്പർ അജ്മലിന്റെ പിഴവ് മുതലെടുത്ത് താപ്പയിലൂടെ ആർമി ലീഡ് നേടി.
രണ്ടാം പകുതിയിൽ തുടക്കം മുതലേ സമനിലയ്ക്കായി ഗോകുലം സമർദം ശക്തമാക്കി. ഇതിനിടെ 68ാം മിനിറ്റിൽ എൽവിസിനെ ബോക്സിൽ വീഴ്ത്തിയതിന് ഗോകുലത്തിന് പെനാൽറ്റി ലഭിച്ചു. കിക്കെടുത്ത ക്യാപ്റ്റൻ ഷെരീഫ് ഗോകുലത്തിന് സമനില ഗോൾ സമ്മാനിച്ചു.
Comments