ലക്നൗ : പ്രായപൂർത്തിയാകാത്ത പെൺകുട്ടിയെ ലൗജിഹാദിന് ഇരയാക്കാൻ ശ്രമിച്ച യുവാവ് അറസ്റ്റിൽ. മെഹബൂബ സ്വദേശി ഇഷാഖിനെയാണ് മതപരിവർത്തന നിരോധന നിയമപ്രകാരം അറസ്റ്റ് ചെയ്തത്. പെൺകുട്ടിയുടെ മാതാപിതാക്കളുടെ പരാതിയിലാണ് നടപടി.
14 കാരിയായ പെൺകുട്ടിയെയാണ് ഇയാൾ പ്രണയം നടിച്ച് ചതിയിൽ വീഴ്ത്താൻ ശ്രമിച്ചത്. രാജ് എന്ന് പരിചയപ്പെടുത്തിയായിരുന്നു ഇയാൾ പെൺകുട്ടിയുമായി സൗഹൃദം സ്ഥാപിച്ചത്. തുടർന്ന് ഇരുവരും തമ്മിൽ പ്രണയത്തിലായി. എന്നാൽ രണ്ട് ആഴ്ച മുൻപ് പെൺകുട്ടി സത്യം തിരിച്ചറിയുകയായിരുന്നു.
ഇതോടെ പെൺകുട്ടി ഇഷാഖുമായുള്ള ബന്ധം അവസാനിപ്പിച്ചു. എന്നാൽ തുടർന്നും ഇഷാഖ് പെൺകട്ടിയെ ശല്യം ചെയ്യുകയായിരുന്നു. ഭീഷണിയും ശല്യവും തുടർന്നതോടെയാണ് പെൺകുട്ടിയുടെ വീട്ടുകാർ പോലീസിൽ പരാതി നൽകിയത്. രണ്ട് ആഴ്ചയ്ക്കിടെ നിരവധി തവണ ഇഷാഖ് പെൺകുട്ടിയെ ഭീഷണിപ്പെടുത്തിയതായി പരാതിയിൽ പറയുന്നു.
ഇന്ത്യൻ ശിക്ഷാ നിയമത്തിലെ 354 ഡി, 506 എന്നീ വകുപ്പുകളും, പോക്സോ, എസ്/എസ്ടി നിയമങ്ങളിലെ വിവിധ വകുപ്പുകളും ഇഷാഖിനെതിരെ ചുമത്തിയിട്ടുണ്ട്.
Comments