ന്യൂയോർക്ക്: യുഎസിൽ കൊറോണപ്രധിരോധ വാക്സിനായ ഫൈസറിനിന്റെ മൂന്നാം ഡോസിന് അനുമതി.ആദ്യ ഘട്ടത്തിൽ 65 വയസുകഴിഞ്ഞ മുതിർന്ന ആളുകൾക്കും ഗുരുതരരോഗമുള്ളവർക്കുമാണ് അനുമതി. രണ്ടാം ഡോസ് എടുത്ത് ആറുമാസത്തിനുശേഷമാണ് മൂന്നാം ഡോസ് എടുക്കുക.
ആദ്യഘട്ടത്തിൽ കൊറോണമുന്നണിപ്പോരാളികൾക്കും ഗുരുതരരോഗമുള്ളവർക്കും മുതിർന്നവർക്കൊപ്പം തന്നെ പരിഗണന നൽകാൻ യുഎസ് തീരുമാനിച്ചു.കൊറോണവകഭേദങ്ങൾ രാജ്യത്ത് പിടിമുറുക്കുന്ന സാഹചര്യത്തിലാണ് ബൂസ്റ്റർ ഡോസിന് അനുമതി നൽകിയത്.
ദിവസങ്ങൾക്ക് മുൻപ് ഫൈസർ വാക്സിൻ കുട്ടികളിൽ ഉപയോഗിക്കുന്നത് സുരക്ഷിതമാണെന്ന് വാക്സിൻ നിർമ്മാതാക്കൾ അവകാശപ്പെട്ടിരുന്നു. മുതിർന്നവരിൽ 90 ശതമാനത്തോളം ഫലപ്രാപ്തി കമ്പനി അവകാശപ്പെടുന്നുണ്ടെങ്കിലും കുട്ടികളിൽ എത്രത്തോളമുണ്ടെന്ന് വെളിപ്പെടുത്താൻ കമ്പനി തയ്യാറായില്ല. അതേസമയം കുട്ടികളിൽ വാക്സിനേഷൻ നടത്തുന്നതിന് വേണ്ടിയുള്ള അനുമതിക്കായി അധികൃതരെ സമീപിക്കുമെന്ന് ഫൈസർ വാക്സിൻ നിർമ്മാതാക്കൾ അറിയിച്ചു.
