മുംബൈ: ഒരു അവശ്യവസ്തു എന്നതിലുപരി മനുഷ്യർ ഏറ്റവും അധികം ഇഷ്ടപ്പെടുന്ന ഒന്നാണ് ഭക്ഷണം. തങ്ങൾ ഇഷ്ടപ്പെടുന്ന വിഭവങ്ങളിൽ മാറ്റങ്ങൾ വരുത്തി പുതിയ ഭക്ഷണമാക്കാൻ പലരും ശ്രമിക്കാറുണ്ട്. അതിൽ ചിലത് വിജയിക്കും ചിലത് പരാജയപ്പെടും. കാര്യം എന്തുമായിക്കോട്ടെ ഇന്ന് സമൂഹ മാദ്ധ്യമങ്ങളിൽ തരംഗമായിരിക്കുന്നത് ഇത്തരത്തിൽ മനുഷ്യൻ രൂപമാറ്റം വരുത്തിയ ഇഡ്ഡലിയാണ്.
കുട്ടികളുടെയും മുതിർന്നവരുടെയും പ്രിയ ഭക്ഷണമായ ഐസ്-ക്രീമിന്റെ രൂപത്തിലാണ് ഇഡ്ഡി ഉണ്ടാക്കിയിരിക്കുന്നത്. പേര് വെളിപ്പെടുത്താത്ത ട്വിറ്ററക്കൗണ്ടിലാണ് രൂപമാറ്റം വന്ന ഇഡ്ഡലിയുടെ ചിത്രങ്ങൾ പ്രചരിക്കുന്നത്.
തങ്ങളുടെ പ്രിയ ഇഡ്ഡലിയ്ക്ക് രൂപമാറ്റം വരുത്തിയത് വലിയ ചർച്ചകൾക്കാണ് വഴിതുറന്നത്. ഇഡ്ഡലിയോട് ഇത്തരത്തിൽ ക്രൂരത ചെയ്തത് എന്തിനാണെന്ന് അഭിപ്രായപ്പെടുന്നവരും ഉണ്ട്. എന്നാൽ ഈ രൂപമാറ്റത്തെ അംഗീകരിച്ചവർ വിരളമാണ്.
ഇഡ്ഡലിയുടെ വൃത്താകൃതിയാണ് ഭക്ഷണത്തിന് ഭംഗി നൽകുന്നതെന്നും ഇത്തരത്തിൽ യഥാർത്ഥ ഇഡ്ഡലിയെ ഇല്ലാതാക്കിയത് എന്തിനാണെന്നും അഭിപ്രായങ്ങൾ ഉയരുന്നു.
Comments