മുംബൈ : ലഹരി ഉപയോഗവുമായി ബന്ധപ്പെട്ട് നാർക്കോട്ടിക്സ് കൺട്രോൾ ബ്യൂറോ ആര്യൻ ഖാനെ കസ്റ്റഡിയിലെടുത്തിരിക്കുന്ന സാഹചര്യത്തിൽ പിതാവ് ഷാറൂഖ് ഖാന് പിന്തുണയുമായി ആരാധകർ. മുബൈയിലെ ഷാറൂഖിന്റെ വീടായ മന്നത്തിന് മുൻപിലാണ് ആരാധകർ തടിച്ചുകൂടിയത്. ‘ ടേക്ക് കെയർ കിംഗ്’ എന്ന ബാനറുകൾ പിടിച്ചാണ് ‘എസ്ആർകെ’ ഫാൻസ് പ്രതിഷേധം അറിയിക്കുന്നത്.
‘ലോകത്തിന്റെ എല്ലാ കോണുകളിലുമുളള ആരാധകർ നിങ്ങളെ അതിയായി സ്നേഹിക്കുന്ന. ബുദ്ധിമുട്ടേറിയ ഈ സമയത്ത് ഞങ്ങൾ കൂടെയുണ്ടാകും’ എന്നാണ് ബാനറുകളിൽ കുറിച്ചിരിക്കുന്നത്. ഷാറൂഖ് ഖാൻ ആരാധകർക്കൊപ്പം പകർത്തിയ ചിത്രങ്ങളും ബാനറുകളിലുണ്ട്.
ഷാറൂഖ് ഖാന് പിന്തുണ നൽകിക്കൊണ്ടുള്ള ഹാഷ് ടാഗുകളും ഇതിനോടകം തന്നെ സമൂഹമാദ്ധ്യമങ്ങളിൽ വൈറലായിക്കഴിഞ്ഞു. ലോകത്തെ ഏറ്റവും അറിയപ്പെടുന്ന സൂപ്പർ താരത്തെയും കുടുംബത്തേയും എന്തിനാണ് ഇത്തരത്തിൽ അപകീർത്തിപ്പെടുത്തുന്നത് എന്ന ചോദ്യങ്ങളാണ് സോഷ്യൽ മീഡിയയിലൂടെ ആരാധകർ ചോദിക്കുന്നത്.
അതേസമയം ആര്യൻ ഖാൻ നിലവിൽ എൻസിബി കസ്റ്റഡിയിലാണുള്ളത്. ആഡംബക്കപ്പലിൽ നടത്തിയ റെയ്ഡിൽ പിടിയിലായ ആര്യൻ ഖാനിൽ നിന്ന് ലഹരിമരുന്ന് പിടിച്ചെടുത്തിട്ടില്ലെങ്കിലും അയാൾക്ക് ഇതിൽ പങ്കുണ്ടെന്ന് എൻസിബി ഉദ്യോഗസ്ഥർ പറയുന്നു. ഇത് തെളിയിക്കുന്ന ആര്യന്റെ ചാറ്റുകളും എൻസിബി കണ്ടെത്തിയിട്ടുണ്ട്. താൻ കഴിഞ്ഞ കുറേ വർഷങ്ങളായി ലഹരി ഉപയോഗിക്കുന്നുണ്ടെന്ന് ആര്യൻ ഖാനും സമ്മതിച്ചു.
Comments