അങ്കാര: ലോകത്തിലെ ഏറ്റവും വലിയ മൂക്ക് എന്ന ഗിന്നസ് റെക്കോർഡ് നേടി ടർക്കിഷ് പൗരൻ. മെഹ്മെറ്റ് ഒസുരെക് എന്ന വ്യക്തിയാണ് ഈ നേടം കൈവരിച്ചിരിക്കുന്നത്. 8.8 സെന്റിമീറ്റർ നീളമാണ് ഇയാളുടെ മൂക്കിനുള്ളത്.
ഇന്ന് ജീവിച്ചിക്കുന്നവരിൽ ഏറ്റവും വലിയ മൂക്കുള്ള വ്യക്തി എന്ന ഗിന്നസ് റെക്കോർഡ് മെഹ്മെറ്റ് 2010ൽ സ്വന്തമാക്കിയിരുന്നു. എന്നാൽ കഴിഞ്ഞ ദിവസം അദ്ദേഹം റോമിൽ നടക്കുന്ന ‘ലോ ഷോ ദേ റെക്കോർഡ്’ എന്ന ഇറ്റാലിയൻ ടിവി ഷോയിൽ പങ്കെടുത്തിരുന്നു. പരിപാടിയുടെ സംഘാടകർ അവിടെ വെച്ച് മെഹ്മെറ്റിന്റെ മൂക്ക് ഒന്നുകൂടി അളന്നു. പഴയതിലും നീണ്ട മൂക്കിന് അദ്ദേഹത്തിന്റെ റെക്കോർഡ് നിലനിർത്താൻ സാധിച്ചു.
ലോകത്തിലെ ഏറ്റവും വലിയ മൂക്ക് എന്നത് പുതുമയുള്ള വിഷയം അല്ലെന്നാണ് ഷോയുടെ സംഘാടകർ പറയുന്നത്. ഇതിനു മുൻപും ഇത്തരത്തിലുള്ള ആളുകൾ ജനിച്ചിട്ടുണ്ടാവാം എന്നാൽ അവരാരും തന്നെ മൂക്ക് അളന്നു നോക്കിയിരുന്നില്ലെന്നാണ് സംഘാടകർ അഭിപ്രായപ്പെടുന്നത്.
1770ൽ ജനിച്ച ഇംഗ്ലീഷ് സർക്കസ് താരം തോമസ് വെഡേഴ്സാണ് ഇതിനു മുൻപ് വലിയ മൂക്കിന് ഗിന്നസ് റെക്കോർഡിൽ ഇടം പിടിച്ചത്. 19 സെന്റിമീറ്ററായിരുന്നു ഇയാളുടെ മൂക്കിന്റെ നീളം. നിലവിൽ ജീവിച്ചിരിക്കുന്നവരിൽ ഏറ്റവും വലിയ മൂക്കുള്ള വ്യക്തിയാണ് മെഹ്മെറ്റ്.
