കൊളംബോ: ശ്രീലങ്കയിലെ ഇന്ത്യൻ സമാധാന സേനാംഗങ്ങളുടെ ബലിദാന സ്മാരകം സന്ദർ ശിച്ച് കരസേനാ മേധാവി ജനറൽ എം.എം.നരവാനേ. അഞ്ചു ദിവസത്തെ ഔദ്യോഗിക സന്ദർശനത്തിനെത്തിയ നരവാനേ ശ്രീലങ്കയുടെ പ്രതിരോധ വകുപ്പ് സെക്രട്ടറി ജനറൽ കമൽ ഗുണരത്നെയുമായും കൂടിക്കാഴ്ച നടത്തി.
‘ജനറൽ നരവാനേ ഇന്ത്യൻ സമാധാന സേനാംഗങ്ങളുടെ യുദ്ധസ്മാരകം സന്ദർശിച്ച് പുഷ്പചക്രം സമർപ്പിച്ചു. ശ്രീലങ്കയിലെ വിരമിച്ച മുൻ സൈനികരുമായും ഇന്ത്യൻ കരസേനാ മേധാവി സംവദിച്ചു.’ ഇന്ത്യൻ പ്രതിരോധ മന്ത്രാലയം ട്വിറ്ററിലൂടെ അറിയിച്ചു.
യുദ്ധസ്മാരകത്തിലെത്തുംമുന്നേ കരസേനാ ആസ്ഥാനം സന്ദർശിച്ച നരവാനയെ ശ്രീലങ്കൻ സേന ഗാർഡ് ഓഫ് ഓണർ നൽകിയാണ് സ്വീകരിച്ചത്. കരസേനാ മേധാവിയും സംയുക്ത സൈന്യാധിപനുമായ ജനറൽ ഷവേന്ദ്ര സിൽവ ജനറൽ നരവാനയെ സ്വീകരിച്ചു.
