ശ്രീനഗർ : ജമ്മുകശ്മീരിൽ വൻ ആയുധ ശേഖരം കണ്ടെത്തി. റിയാസി ജില്ലയിലെ മഹോർ വനത്തിൽ നിന്നാണ് ആയുധ ശേഖരം കണ്ടെത്തിയത്. സൈന്യവും ജമ്മു കശ്മീർ പോലീസും ചേർന്ന് നടത്തിയ തിരച്ചിലിലാണ് ആയുധശേഖരം കണ്ടെടുത്തത്.
യുബിജിഎല്ലുള്ള എകെ -47 റൈഫിൾ, യുബിജിഎൽ ഗ്രനേഡ്, 45 റൗണ്ട് സെൽഫ് ലോഡിംഗ് റൈഫിൾ (എസ്എൽആർ),ആറ് റൗണ്ട് വെടിയുണ്ടകൾ എന്നിവ കണ്ടെത്തി.
കഴിഞ്ഞ ദിവസം സമാനരീതിയിൽ ജമ്മു കശ്മീരിലെ കുപ്വാരയിൽ നിന്ന് ആയുധങ്ങളുടെ ശേഖരം പിടികൂടിയിരുന്നു. ബിഎസ്എഫും ജമ്മു കശ്മീർ പൊലീസും ചേർന്നാണ് ആയുധങ്ങൾ പിടികൂടിയത്. എ കെ 47 തോക്ക്, 790 വെടിയുണ്ടകൾ, മൂന്ന് ഗ്രൈനേഡുകൾ, എട്ട് ഡിറ്റോനേറ്ററുകൾ എന്നിവയാണ് പിടികൂടിയത്.
Comments