ന്യൂഡൽഹി : ഇന്ത്യൻ ക്രിക്കറ്റ് താരം ശിഖർ ധവാനെ അനുകരിക്കുന്ന വീഡിയോ പങ്കുവെച്ച് ടീം ക്യാപ്റ്റൻ വിരാട് കോഹ്ലി. ടി20 ലോകകപ്പ് ആരംഭിക്കാനിരിക്കെയാണ് ധവാന്റെ ബാറ്റിംഗ് പോസുകൾ കാണിച്ചുകൊണ്ടുള്ള വീഡിയോയുമായി കോഹ്ലി രംഗത്തെത്തിയത്. ട്വിറ്ററിലൂടെയും ഫേസ്ബുക്കിലൂടെയും പങ്കുവെച്ച വീഡിയോ ഇതിനോടകം തന്നെ വൈറലായിക്കഴിഞ്ഞു. ശിഖർ, ഇത് എങ്ങനെയുണ്ട് എന്ന ക്യാപ്ഷനോടെയാണ് കോഹ്ലി 31 സെക്കൻഡ് വീഡിയോ പങ്കുവെച്ചിരിക്കുന്നത്.
താൻ ശിഖർ ധവാനെ അനുകരിക്കാൻ പോകുന്നുവെന്ന് പറഞ്ഞാണ് കോഹ്ലി വീഡിയോ ആരംഭിക്കുന്നത്. അദ്ദേഹത്തിന്റെ ഇത്തരത്തിലുള്ള പോസുകൾ താൻ ഏറെ കണ്ടിട്ടുണ്ടെന്നും കോഹ്ലി പറഞ്ഞു. തുടർന്ന് ബാറ്റ് ചെയ്യാൻ നിൽക്കുന്ന ധവാനെയും കോഹ്ലി അനുകരിക്കുന്നുണ്ട്. വീഡിയോയ്ക്ക് ധവാനും പ്രതികരിച്ചിട്ടുണ്ട്.
Shikhi, how's this one? 😉@SDhawan25 pic.twitter.com/nhq4q2CxSZ
— Virat Kohli (@imVkohli) October 18, 2021
തിങ്കളാഴ്ച ദുബായിൽ വെച്ചാണ് ടി20 ലോകകപ്പ് ആരംഭിക്കുന്നത്. ഇംഗ്ലണ്ടിനെതിരെയാണ് ഇന്ത്യയുടെ ആദ്യ പോരാട്ടം. ഐസിസി ടൂർണമെന്റിൽ മികച്ച റെക്കോർഡ് നേടിയിട്ടും ശിഖർ ധവാനെ ടി20 യിൽ നിന്ന് പുറത്താക്കിയത് ആരാധകരെ രോഷം കൊള്ളിച്ചിരുന്നു.
Comments