ബ്രസ്സൽസ്: യൂറോപ്യൻ യൂണിയന്റെ കാലാവസ്ഥാ വ്യതിയാന പരിശ്രമങ്ങളെ തകിടം മറിക്കുന്ന സമീപനമാണ് റഷ്യയുടേതെന്ന് പരക്കെ വിമർശനം. പോളണ്ട് ഭരണകക്ഷിയുടെ നിയമകാര്യവകുപ്പ് മന്ത്രി ജാറോസ്ലാവ് കസിൻസ്‌കിയാണ് രൂക്ഷ വിമർശനം ഉന്നയിച്ചത്.
റഷ്യ യൂറോപ്പിന്റെ ഭാഗമാണ്. എന്നാൽ കാലവസ്ഥാ നിയന്ത്രണകാര്യത്തിൽ യൂറോപ്യൻ നയങ്ങളെ എതിർക്കുന്ന സമീപനമാണ് സ്വീകരിക്കുന്നത്. യൂറോപ്പിലേക്കുള്ള ഗ്യാസ് ലഭ്യതയും വൈദ്യുതി ലഭ്യതയും നിയന്ത്രിക്കുന്ന റഷ്യൻ നടപടിയാണ് പരക്കെ വിമർശനത്തിന് ഇടയാക്കുന്നത്.
യൂറോപ്പിലെ പലചെറുരാജ്യങ്ങളും കടുത്ത സാമ്പത്തിക പ്രതിസന്ധിയിലാണ്. റഷ്യയുടെ വാണിജ്യരംഗത്തെ വിലക്കയറ്റ നടപടികൾ വലിയ ആഘാതമാണുണ്ടാക്കുന്നത്.പാരമ്പര്യ ഊർജ്ജ ഉപഭോഗം കൂടുന്നതിനാൽ കാലവസ്ഥാ വ്യതിയാനത്തിനെതിരായ പോരാട്ടത്തിന് അത് വലിയ തടസ്സമാകുമെന്നും കസിൻസ്‌കി ആരോപിച്ചു.
