തിരുവനന്തപുരം: ആപ്പിൾ ഐഫോൺ ബുക്ക് ചെയ്തപ്പോൾ സോപ്പ് കിട്ടിയ യുവാവിന് നഷ്ടപ്പെട്ട തുക മുഴുവനും തിരികെ കിട്ടി. റൂറൽ പോലീസിന്റെ ഇടപെടൽ മൂലമാണ് കഴിഞ്ഞ ദിവസം പണം തിരികെ അക്കൗണ്ടിലെത്തിയത്. തോട്ടമുഖം സ്വദേശിയായ നൂറുൽ അമീൻ എന്ന് യുവാവിനാണ് പണം തിരിക്കെ ലഭിച്ചത്.
70,900 രൂപ വിലമതിക്കുന്ന ഐഫോണിന് പകരമാണ് നൂറുലിന് സോപ്പ് കിട്ടിയത്. ആമസോൺ കാർഡിലൂടെയാണ് പണം അടച്ചത്. പാഴ്സൽ പൊട്ടിച്ചു നോക്കിയപ്പോൾ ഫോണിന് പകരം സോപ്പും അഞ്ച് രൂപ നാണയവും ആയിരുന്നു ഉണ്ടായിരുന്നത്. തുടർന്ന് പോലീസിൽ പരാതി നൽകുകയും ആമസോണുമായി പോലീസ് ബന്ധപ്പെടുക്കയും ചെയ്തു. യുവാവിന് ലഭിച്ച ഒർജിനൽ ഫോൺ കവറിൽ ഐ.എം.ഇ.ഐ നമ്പർ ഉണ്ടായിരുന്നു. അതിൽ നിന്ന് ഫോൺ ജാർഖണ്ഡിൽ ഉളളതായി കണ്ടെത്തി. ഫോൺ വിതരണം ചെയ്യുന്ന ഡീലർമാരുമായും അന്വേഷണ സംഘം ബന്ധപ്പെട്ടിരുന്നു. തുടർന്നാണ് പണംതിരികെ നൽകാമെന്ന് പോലീസിനോട് ഡീലർമാർ പറയുകയും അമീന്റെ അക്കൗണ്ടിൽ പണം തിരികെ നിക്ഷേപിക്കുകയും ചെയ്തത്.
കഴിഞ്ഞ മാസം പറവൂരുള്ള എഞ്ചിനീയറിംഗ് വിദ്യാർത്ഥി ഒന്നേകാൽ ലക്ഷം രൂപ വിലയുള്ള ലാപ്പ്ടോപ് ബുക്ക് ചെയ്തപ്പോൾ ലഭിച്ചത് പാക്ക് ചെയ്ത ന്യൂസ് പേപ്പറുകളായിരുന്നു. യുവാവിനും റൂറൽ ജില്ലാ പോലീസ് ഇടപെട്ട് പണം തിരികെ വാങ്ങി നൽകിയിരുന്നു. ഇതിന്റെ അന്വേഷണവും നടക്കുകയാണ്.
