വിശന്നാൽ ഭക്ഷണം കഴിക്കണം എന്നാണ് ഭക്ഷണപ്രിയരുടെ പോളിസി. അത് ഏത് സന്ദർഭമായാലും ഭക്ഷണം സമയത്ത് തന്നെ കഴിക്കും. സാധാരണ വിവാഹ ചടങ്ങുകൾക്ക് അല്പസമയം എടുക്കും. അത് വരെ വധുവും വരനും വിശന്നിരിക്കുകയാണ് പതിവ്.എന്നാൽ വിവാഹം കഴിയുന്നത് വരെ വിശപ്പ് സഹിച്ചിരിക്കാൻ കഴിയാത്ത വധു നൂഡിൽസ് എടുത്ത് കഴിക്കുന്ന വീഡിയോ ഇപ്പോൾ സമൂഹമാദ്ധ്യമങ്ങളിൽ വൈറലാവുകയാണ്.
ഭക്ഷണം കഴിക്കാതെ വിവാഹ ചടങ്ങുകൾ നടത്താൻ വിസമ്മതിച്ച് യുവതി മാഗി നൂഡിൽസ് കഴിക്കുന്നതാണ് വീഡിയോ. വിവാഹത്തിന് ഒരുങ്ങുന്നതിനിടെ വധു മാഗി കഴിക്കുന്നതാണ് വീഡിയോയിൽ കാണാൻ കഴിയുന്നത്. ഹെയർഡ്രെസ്സർ മുടി അലങ്കരിക്കുമ്പോഴും യുവതി ന്യൂഡിൽസ് കഴിച്ചു കൊണ്ടിരിക്കുകയാണ്.വീഡിയോ റെക്കോർഡ് ചെയ്യുന്നയാൾ വധുവിനോട് ചോദിക്കുന്നുണ്ട്, നിങ്ങൾക്ക് എന്താണ് തോന്നുന്നത് എന്ന്. ‘എനിക്ക് വിശക്കുന്നുണ്ട്. വരന് എന്നെ കാത്തിരിക്കാം’ എന്നാണ് വധു മറുപടി നൽകിയത്.
വരൻ എത്ര സമയം കാത്തിരിക്കേണ്ടി വരും എന്ന് ചോദിച്ചപ്പോൾ, അര മണിക്കൂർ മുതൽ ഒരു മണിക്കൂർ വരെ എടുത്തേക്കാമെന്നും വധു മറുപടി നൽകി. വിവാഹ ഘോഷയാത്ര വൈകാതെ അവിടെയെത്തുമെന്നതിനാൽ പെട്ടെന്ന് അണിഞ്ഞൊരുങ്ങി വിവാഹത്തിന് തയ്യാറാകാനും വീഡിയോ റെക്കോർഡ് ചെയ്യുന്ന വ്യക്തി വധുവിനോട് ആവശ്യപ്പെടുന്നുണ്ട്. എന്നാൽ ഇതൊന്നും കാര്യമാക്കാതെ ഭക്ഷം കഴിക്കുന്ന തിരക്കിലാണ് വധു. നിരവധിപേരാണ് വധുവിന് പിന്തുണയുമായി എത്തിയിരിക്കുന്നത്. ഒഴിഞ്ഞ വയറുമായി വിവാഹ ചടങ്ങുകൾക്ക് ദമ്പതിമാർ തയ്യാറാവരുതെന്നാണ് പലരുടേയും നിർദ്ദേശം.
Comments