ആർഎസ്എസ് പ്രവർത്തകനെ വെട്ടിക്കൊന്നത് ഭാര്യയുടെ കൺമുന്നിലിട്ട്: പോലീസിന് സുരക്ഷാ വീഴ്ചയുണ്ടായി, എസ്ഡിപിഐയുമായി സർക്കാരിന് ചങ്ങാത്തമെന്ന് സുരേന്ദ്രൻ

lതിരുവനന്തപുരം:  പാലക്കാട് ആർഎസ്എസ് മണ്ഡൽ ബൗദ്ധിക് പ്രമുഖ്  സഞ്ജിത്തിന്റെ കൊലപാതകം ആസൂത്രിത നീക്കമായിരുന്നുവെന്ന് ബിജെപി സംസ്ഥാന പ്രസിഡണ്ട് കെ. സുരേന്ദ്രൻ. പ്രദേശത്ത്  പോലീസിന് സുരക്ഷാ  വീഴ്‌ച്ചയുണ്ടായെന്നും  സുരേന്ദ്രൻ ആരോപിച്ചു.
എസ് ഡി പി ഐ യുമായുള്ള സർക്കാരിന്റെ  ചങ്ങാത്തത്തിന് തെളിവാണ് പാലക്കാട് നടന്നതെന്നും  കുറ്റാവാളികളെ സംരക്ഷിക്കുന്ന നിലപാടാണ് സർക്കാർ സ്വീകരിക്കുന്നതെന്നും സുരേന്ദ്രൻ പ്രതികരിച്ചു.

പാലക്കാട്  മമ്പറത്ത്  ഇന്ന് രാവിലെയാണ്  സഞ്ജിത്തിനെ  വെട്ടിക്കൊന്നത്.  27 വയസ്സായിരുന്നു.  ബൈക്കിൽ സഞ്ചരിക്കവെയാണ് ഭാര്യയുടെ കൺമുന്നിലിട്ട് സഞ്ജിത്തിനെ വെട്ടിക്കൊലപ്പെടുത്തിയത്.    രാവിലെ ജോലിയ്‌ക്ക് പോകുന്നതിനിടെയായിരുന്നു സംഭവം.   കാറിൽ എത്തിയ സംഘം ബെെക്ക് തടഞ്ഞു നിർത്തി   വെട്ടി വീഴ്‌ത്തുകയായിരുന്നു.  എസ് ഡി പിഐ പ്രവർത്തകരാണ് കൊലയ്‌ക്ക് പിന്നിലെന്നാണ് നിഗമനം.  നാലംഗ സംഘമാണ് കൃത്യം നടത്തിയതെന്ന്   വിവരം ലഭിച്ചിട്ടുണ്ട്.

നാ​ലു പേ​രാ​ണ് ആ​ക്ര​മ​ണം ന​ട​ത്തി​യ​തെ​ന്നും ഇ​വ​ർ ഒ​ളി​വി​ൽ പോ​യ​തായുമാണ് പോലീസും നൽകുന്ന വിശദീകരണം.