കോഴിക്കോട് : ജാതി അധിക്ഷേപം നടത്തിയ സംഭവത്തിൽ പബ്ലിക് പ്രോസിക്യൂട്ടർക്കെതിരെ കേസ് പോലീസ്. പെരിന്തൽമണ്ണ ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് എപിപി നൗഷാദിനെതിരെയാണ് ജാമ്യമില്ലാ വകുപ്പ് പ്രകാരം കേസ് എടുത്തത്. മുൻ ഡയറക്ടർ ജനറൽ പ്രോസിക്യൂഷൻ അഡ്മിനിസ്റ്ററായി നിയമിച്ച ബാബുരാജ് നൽകിയ പരാതിയിലാണ് നടപടി.
പട്ടികജാതി വിഭാഗത്തിൽപ്പെടുന്നയാളാണ് ബാബുരാജ്. നീ ചെറുമന് അധികാരപണി കിട്ടിയ കളിയല്ലെ കളിച്ചതെന്ന് ചോദിച്ചാണ് നൗഷാദ് ബാബുരാജിനെ അധിക്ഷേപിച്ചത്. ഇതിന് പുറമേ ബാബുരാജിനെ നൗഷാദ് അസഭ്യം പറയുകയും ചെയ്തു. തുടർന്ന് ബാബുരാജ് പോലീസിൽ പരാതി നൽകുകയായിരുന്നു.
നൗഷാദിനെതിരെ നല്ലളം പോലീസ് ആണ് കേസ് എടുത്തത്. സംഭവത്തിൽ എഫ്‌ഐആറും രജിസ്റ്റർ ചെയ്തു. എസ്‌സി , എസ്ടി പീഡന വകുപ്പുകൾ ഉൾപ്പെടെ ചുമത്തിയാണ് നല്ലളം പോലീസ് കേസ് എടുത്തിരിക്കുന്നത്.
