തിരുവനന്തപുരം: കേരളാ ഗവർണർ ആരിഫ് മുഹമ്മദ് ഖാന്റെ ഡ്രൈവറെ തൂങ്ങിമരിച്ച നിലയിൽ കണ്ടെത്തി. രാജ്ഭവൻ ക്വാട്ടേഴ്സിലാണ് ആത്മഹത്യ ചെയ്ത നിലയിൽ കണ്ടെത്തിയത്.
ചേർത്തല സ്വദേശിയായ തേജസ് എന്നയാളാണ് മരിച്ചത്. സംഭവ സ്ഥലത്ത് പോലീസ് എത്തി അന്വേഷണം പുരോഗമിക്കുകയാണ്. ആത്മഹത്യയാണെന്നാണ് പ്രാഥമിക നിഗമനം.
ഇന്ന് പുലർച്ചെയാണ് സംഭവം. മൃതദേഹത്തിന് സമീപത്ത് നിന്നും ആത്മഹത്യ കുറിപ്പ് കണ്ടെത്തിയിട്ടുണ്ട്. തന്റെ മരണത്തിന് ആരും ഉത്തരവാദിയല്ലെന്ന് കുറിപ്പിൽ പരാമർശിക്കുന്നു. കുടുംബപ്രശ്നമാണ് മരണത്തിന് കാരണമെന്നാണ് വിലയിരുത്തൽ.
ഗവർണർക്ക് രണ്ട് ഡ്രൈവർമാരാണ് ഉള്ളത്. മരിച്ച തേജസ് വർഷങ്ങളായി ഗവർണറോടൊപ്പമുള്ളയാളാണ്. ശനിയാഴ്ച രാത്രി വരെയും ഗവർണറോടൊപ്പം ഉണ്ടായിരുന്നുവെന്നാണ് വിവരം.
