മലപ്പുറം: എസ്ഡിപിയെ വളർത്തിയത് പി കെ കുഞ്ഞാലിക്കുട്ടിയും ലീഗ് നേതൃത്വവുമാണന്ന് ബി ഗോപാലകൃഷ്ണൻ. ആർഎസ്എസ് പ്രവർത്തകർ പാലക്കാട് സഞ്ജിത്തിന്റെയും ചാവക്കാട് ബിജുവിന്റെയും കൊലപാതകത്തിൽ എൻ.ഐ.എ അന്വേഷണം ആവശ്യപ്പെട്ട് ബി.ജെ.പി മലപ്പുറം കളക്ടറേറ്റ് മാർച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എൻഐഎ അന്വേഷണം ആവശ്യപ്പെട്ട് ബിജെപി സംസ്ഥാനത്തെ എല്ലാ ജില്ലാ കേന്ദ്രങ്ങളിലും മാർച്ച് സംഘടിപ്പിച്ചിരുന്നു.
വിവാധമായ ഹലാൽ വിഷയത്തിനു പിന്നിൽ ഇടതു സർക്കാരാണന്ന് ബി ഗോപാലകൃഷ്ണൻ പറഞ്ഞു. മലപ്പുറം കേന്ദ്രീകരിച്ച് നടക്കുന്ന എല്ലാ വർഗീയ തീവ്രവാദത്തേയും സംരക്ഷിക്കുന്നത് മുസ്ലീം ലീഗാണെന്നും അദ്ദേഹം കൂട്ടിച്ചേർത്തു.
ശിഹാബ് തങ്ങൾ മതേതരത്വം പറഞ്ഞതുകൊണ്ട് യാതൊരു കാര്യമില്ലെന്നും എസ്ഡിപിയെ വളർത്തിയത് പി കെ കുഞ്ഞാലിക്കുട്ടിയും ലീഗ് നേതൃത്വവുമാണന്ന് ബി ഗോപാലകൃഷ്ണൻ അഭിപ്രായപ്പെട്ടു.
ഹലാൽ പണംകൊണ്ട് കേരള സർക്കാർ സംസ്ഥാനത്തെ പോലീസിനെ വന്ധീകരിച്ചിരിക്കുകയാണ്. യുഡിഎഫിനും, എൽഡിഎഫിനും ആവശ്യം തീവ്രവാദികളുടെ വോട്ടാണ്. കൊച്ചിയിൽ ഹലാൽ ഫുഡ് ഫെസ്റ്റ് നടത്തിയ ഡിവൈഎഫ്ഐക്ക് മലപ്പുറത്ത് പോർക്ക് ഫെസ്റ്റ് നടത്താൻ ധൈര്യമുണ്ടോ എന്ന് അദ്ദേഹം ചോദിച്ചു.
മതതീവ്രവാദികൾ നടത്തുന്ന തീവ്രവാദ പ്രവർത്തനങ്ങൾക്ക് ഭാവിയിൽ മുസ്ലീം ലീഗ് കണക്ക് പറയേണ്ടിവരുമെന്നും ഗോപാലകൃഷ്ണൻ പറഞ്ഞു.
