കാബൂൾ:അഫ്ഗാനിസ്ഥാനിലെ കഞ്ചാവ് സംസ്കരണ പ്ലാന്റിനായി ഓസ്ട്രേലിയൻ കമ്പനിയുമായി കരാർ ഉറപ്പിച്ചിട്ടുണ്ടെന്ന അവകാശവാദവുമായി അഫ്ഗാൻ ഭരണകക്ഷിയായ സുന്നി പഷ്തൂൺ രംഗത്ത്. ഓസ്ട്രേലിയൻ മെഡിക്കൽ സേവന കമ്പനിയായ സിഫാമുമായി കരാർ ഉറപ്പിച്ചിട്ടുണ്ടെന്നാണ് താലിബാൻ ആഭ്യന്തര മന്ത്രാലയം വക്താവ് ഖാരി സയീദ് ഖോസറ്റി ഉവകാശപ്പെട്ടത്.
എന്നാൽ താലിബാന്റെ അവകാശവാദങ്ങൾ തള്ളി കമ്പനി രംഗത്തെത്തി. താലിബാനുബായി യാതൊരു ഇടപാടുമില്ലെന്നും തങ്ങൾ കഞ്ചാവ് ഉൽപ്പന്നങ്ങൾ നിർമ്മിക്കുകയോ വിൽക്കുകയോ ചെയ്യുന്നില്ലെന്നും ഫാർമസ്യൂട്ടിക്കൽ വ്യവസായത്തിന് മെഡിക്കൽ ഉപദേശം മാത്രം നൽകുന്ന കമ്പനി മാത്രമാണ് തങ്ങളുടേതെന്ന് കമ്പനി അധികൃതർ വ്യക്തമാക്കി. തങ്ങൾക്ക് താലിബാനുമായോ കമ്പനിയുമായോ യാതൊരു ബന്ധവുമില്ലെന്ന് കമ്പനി വ്യക്തമാക്കി. വ്യാജ വാർത്തകളുടെ ഉറവിടം എവിടെ നിന്നാണെന്ന് തങ്ങൾക്ക് അറിയില്ലെന്ന് കമ്പനി കൂട്ടിച്ചേർത്തു.
സിഫാം എന്ന ഓസ്ട്രേലിയൻ ആസ്ഥാനമാക്കിയുള്ള കമ്പനി അഫ്ഗാനിസ്ഥാനിൽ കഞ്ചാവ് സംസ്കരണ പ്ലാന്റ് സ്ഥാപിക്കാൻ മുന്നോട്ട് വന്നിട്ടുണ്ടെന്നും കമ്പനിക്ക് 30 ഏക്കർ സ്ഥലം ആവശ്യമാണെന്നും പദ്ധതിയിൽ 430 മില്യൺ ഡോളർ നിക്ഷേപിക്കാൻ കമ്പനി തയ്യാറാണെന്നുമാണ് താലിബാൻ സർക്കാർ അവകാശപ്പെട്ടത്. എന്നാൽ ഈ അവകാശവാദങ്ങളെല്ലാം പൊള്ളയാണെന്ന് തെളിയിച്ചാണ് സിഫാം കമ്പനി രംഗത്തെത്തിയത്.
Comments