ഇടുക്കി: മുല്ലപ്പെരിയാർ അണക്കെട്ടിലെ ജലനിരപ്പ് 142 അടിക്ക് താഴെ എത്തിയതോടെ തമിഴ്നാട് 5 ഷട്ടറുകൾ താഴ്ത്തി. ജലനിരപ്പ് 141.90 അടിയായതോടെയാണ് 5 ഷട്ടറുകൾ താഴ്ത്തിയത്. നിലവിൽ ഒരു ഷട്ടർ 30 സെന്റീമീറ്റർ ഉയർത്തിയിട്ടുണ്ട്. ഇതിലൂടെ സെക്കന്റിൽ 416 ഘനയടി ജലമാണ് ഇടുക്കി അണക്കെട്ടിലേയ്ക്ക് ഒഴുക്കി വിടുന്നത്.
അനുവദനീയമായ പരാമവധി സംഭരണ ശേഷിയിൽ എത്തിയതോടെ തമിഴ്നാട് 6 ഷട്ടറുകൾ ഉയർത്തിയിരുന്നു. അണക്കെട്ടിൽ നിന്നും 2300 ഘനയടി ജലം തമിഴ്നാട് കൊണ്ടുപോകുന്നുണ്ട്.
അതേസമയം, ഇടുക്കി അണക്കെട്ടിലെ ജലനിരപ്പ് 2400.52 അടിയായി ഉയർന്നു. സംഭരണ ശേഷിയുടെ 96.97 ശതമാനമാണ് ഇത്. ജലനിരപ്പ് 2401 അടിയായാൽ ഇടുക്കിയിൽ ഓറഞ്ച് അലർട്ട് പ്രഖ്യാപിക്കും. 2403 അടിയാണ് അണക്കെട്ടിന്റെ പരമാവധി സംഭരണശേഷി.
Comments