മുംബൈ: രണ്ടാം ടെസ്റ്റ് മൈതാനത്ത് നനവുള്ളതിനാൽ വൈകുമെന്ന് സൂചന. പ്രകടമായ മാറ്റങ്ങളുമായിട്ടാണ് ടീം തീരുമാനിച്ചിരിക്കുന്നത്. ഇന്ത്യൻ നായകൻ വിരാട് കോഹ്ലി ഒരു ഇടവേളയ്ക്ക് ശേഷം തിരികെ എത്തിയപ്പോൾ കൈക്കുഴയിലെ പരിക്കുമൂലം കിവീസ് നായകൻ കെയിൻ വില്യംസൺ കളിക്കാനിറങ്ങില്ല. ടോം ലഥാം ടീമിനെ നയിക്കുമെന്നാണ് സൂചന.
ടീം ഇന്ത്യ മികച്ച ഫോമിലുള്ള രവീന്ദ്ര ജഡേജയെ പരിക്കുകാരണം ഒഴിവാക്കി. അതേ സമയം പ്രതീക്ഷിച്ച പോലെ ഫോം ഔട്ടായ അജിങ്ക്യാ രഹാനയേയും ഇഷാന്ത് ശർമ്മയേയും ഒഴിവാക്കി. ജഡേജയ്ക്ക് പകരം ഭരതിനെയാണ് ഉൾപ്പെടു ത്തിയിരിക്കുന്നത്. ആദ്യ ടെസ്റ്റിൽ സാഹയ്ക്ക് പകരക്കാരനായി ഭരത് വിക്കറ്റ് കീപ്പറായി മൈതാനത്ത് ഇറങ്ങിയിരുന്നു.
കാൻപൂർ ടെസ്റ്റിനേക്കാൾ വേഗതകൂടിയ പിച്ചായിരിക്കും മുംബൈയിലേതെന്നാണ് ക്യൂറേറ്റർ റിപ്പോർട്ട്. റൺസ് ഒഴുകുന്ന പിച്ചിൽ ടോസ് നിർണ്ണായകമാകും.
Comments