എറണാകുളം : മന്ത്രവാദ ചികിത്സയുടെ പേരിൽ വൈദ്യസഹായം നിഷേധിച്ചതിനെ തുടർന്ന് യുവതി മരിച്ചു. കോഴിക്കോട് കല്ലാച്ചി സ്വദേശിനി നൂർജഹാനാണ് മരിച്ചത്. ആലുവയിലെ മന്ത്രവാദ കേന്ദ്രത്തിൽവെച്ചായിരുന്നു മരണം. സംഭവത്തിൽ വളയം പോലീസ് അന്വേഷണം ആരംഭിച്ചു.
ഭർത്താവ് ജമാലാണ് മന്ത്രവാദ ചികിത്സയുടെ പേരിൽ യുവതിയ്ക്ക് വൈദ്യസഹായം നിഷേധിച്ചത്. നൂർജഹാന്റെ ബന്ധുക്കളാണ് വൈദ്യസഹായം നിഷേധിച്ചെന്ന പരാതിയുമായി രംഗത്തെത്തിയത്. പോലീസ് ഇടപെട്ട് നൂർജഹാന്റെ മൃതദേഹം മന്ത്രവാദ കേന്ദ്രത്തിൽ നിന്നും ആശുപത്രിയിലേക്ക് മാറ്റി.
