ആലപ്പുഴ : ബിജെപി നേതാവ് രഞ്ജിത്ത് ശ്രീനിവാസനെ പോപ്പുലർഫ്രണ്ട് പ്രവർത്തകർ വെട്ടിക്കൊലപ്പെടുത്തിയ സംഭവത്തെ അപലപിച്ച് ബിജെപി ദേശീയ ജനറൽ സെക്രട്ടറി സി.ടി രവി. ദൈവത്തിന്റെ സ്വന്തം നാടായ കേരളത്തെ മുഖ്യമന്ത്രി പിണറായി വിജയൻ ജിഹാദികളുടെ സ്വന്തം നാടാക്കി മാറ്റുകയാണെന്ന് അദ്ദേഹം പറഞ്ഞു. ഫേസ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം.
ഒബിസി മോർച്ച സെക്രട്ടറി അഡ്വ. രഞ്ജിത്ത് ശ്രീനിവാസന്റെ കൊലപാതകത്തെ ശക്തമായി അപലപിക്കുന്നു. പോപ്പുലർഫ്രണ്ടിന് സൈ്വര്യവിഹാരത്തിനായുള്ള സ്വാlന്ത്ര്യം നൽകുന്നതിലൂടെ ദൈവത്തിന്റെ സ്വന്തം നാടിനെ പിണറായി വിജയൻ ജിഹാദികളുടെ സ്വന്തം നാടാക്കി മാറ്റുകയാണ്.- സി ടി രവി ഫേസ്ബുക്കിൽ കുറിച്ചു.
അദ്ദേഹത്തിന് പുറമേ ബിജെപി നേതാവ് സി.പി രാധാകൃഷ്ണനും കൊലപാതകത്തെ അപലപിച്ചു. പട്ടാപ്പകലാണ് രഞ്ജിത്തിനെ പോപ്പുലർഫ്രണ്ട് പ്രവർത്തകർ കൊലപ്പെടുത്തിയിരിക്കുന്നത്. 2016 ൽ നിയമസഭയിലേക്ക് മത്സരിച്ചയാളാണ് അദ്ദേഹം. കഴിഞ്ഞ രണ്ട് മാസത്തിനിടെ മൂന്ന് ബിജെപി-ആർഎസ്എസ് പ്രവർത്തകരാണ് കൊല്ലപ്പെട്ടത്. ഇനി എത്ര രജ്യസ്നേഹികളെയും കാര്യകർത്താക്കളെയുമാണ് ഇനി നമുക്ക് നഷ്പ്പെടുക. ജിഹാദി ഭീകരർക്കെതിരെ കർശന നടപടി സ്വീകരിച്ച് തങ്ങളുടെ കാര്യകർത്താക്കളെ സംരക്ഷിക്കണമെന്നും രാധാകൃഷ്ണൻ ആവശ്യപ്പെട്ടു.
