താരസംഘടനയായ അമ്മയുടെ ഭരണസമിതിയിലേക്ക് ഇന്നലെയാണ് തിരഞ്ഞെടുപ്പ് നടന്നത്. സംഘടനാ തിരഞ്ഞെടുപ്പിൽ ഓരോ താരങ്ങൾക്കും ലഭിച്ച വോട്ടിന്റെ കണക്കുകൾ ഇപ്പോൾ പുറത്ത് വന്നിട്ടുണ്ട്. വൈസ് പ്രസിഡന്റ് സ്ഥാനത്തേക്ക് മണിയൻ പിള്ള രാജുവും ശ്വേത മേനോനുമാണ് വിജയിച്ചത്. ഔദ്യോഗിക പാനലിൽ നിന്നുള്ള ആശ ശരത് പരാജയപ്പെട്ടു. 224 വോട്ടാണ് മണിയൻ പിള്ള രാജുവിന് ലഭിച്ചത്. ശ്വേത മേനോന് 176 വോട്ടും ആശാ ശരത്തിന് 153 വോട്ടും ലഭിച്ചു.
11 പേരുള്ള എക്സിക്യൂട്ടീവ് കമ്മറ്റിയിലേക്ക് 14 പേരായിരുന്നു മത്സരിച്ചിരുന്നത്. ഇതിൽ ഔദ്യോഗിക പാനലിൽ നിന്ന് രണ്ട് പേർക്കാണ് പരാജയം ഏറ്റുവാങ്ങേണ്ടി വന്നത്. നിവിൻ പോളി, ഹണി റോസ് എന്നിവരാണ് പരാജയപ്പെട്ടത്. വിമത പാനലിൽ ഉണ്ടായിരുന്ന നാസർ ലത്തീഫിനും പരാജയം ഏറ്റുവാങ്ങേണ്ടി വന്നു. നിവിൻ പോളിക്ക് 158 വോട്ടും ഹണി റോസിന് 145 വോട്ടുമാണ് ലഭിച്ചത്. വിമതനായിരുന്ന നാസർ ലത്തീഫിന് 100 വോട്ടും മാത്രമാണ് ലഭിച്ചത്. ഔദ്യോഗിക പാനലിനെതിരെ നിന്ന വിജയ് ബാബുവും ലാലും വിജയിച്ചു. ലാലിന് 212ഉം വിജയ് ബാബുവിന് 228 വോട്ടും ലഭിച്ചു.
അമ്മയുടെ പ്രസിഡന്റായി മോഹൻലാലും, ജനറൽ സെക്രട്ടറിയായി ഇടവേള ബാബുവും എതിരില്ലാതെ തിരഞ്ഞെടുക്കപ്പെട്ടിരുന്നു. സിദ്ദിഖ് ട്രഷറർ സ്ഥാനത്തേക്കും, ജയസൂര്യ ജോയിന്റ് സെക്രട്ടറിയായും തിരഞ്ഞെടുക്കപ്പെട്ടു.
വൈസ് പ്രസിഡന്റ് മത്സരാർത്ഥികളും വോട്ടും,
മണിയൻപിള്ള രാജു (224)
ശ്വേത മേനോൻ (176)
ആശ ശരത് (153)
എക്സിക്യൂട്ടീവ് കമ്മിറ്റി മത്സരാർത്ഥികളും വോട്ടും,
സുധീർ കരമന-261
ബാബുരാജ് -242
ലെന-234
സുരഭി-236
വിജയ് ബാബു-225
ടിനി ടോം-222
ടൊവിനോ തോമസ്-220
മഞ്ജു പിള്ള-215
ലാൽ-212
ഉണ്ണി മുകുന്ദൻ -198
രചന നാരായണൻകുട്ടി-180
നിവിൻ പോളി-158
ഹണി റോസ് -145
നാസർ ലത്തീഫ്-100
