മതിൽ ചാടിക്കടന്ന് വളർത്തുനായയെ കടിച്ചെടുത്ത് പുള്ളിപ്പുലി: ഞെട്ടിച്ച് പുലിയുടെ വേട്ടയാടൽ, വീഡിയോ വൈറൽ

വനപ്രദേശത്തോട് ചേർന്നുള്ള മനുഷ്യവാസ സ്ഥലങ്ങളിൽ വന്യജീവികൾ ഇറങ്ങുന്നത് സാധാരണ സംഭവമാണ്. ഇത്തരത്തിൽ വന്യമൃഗങ്ങൾ നാട്ടിലിറങ്ങുന്നതോടെ പലപ്രദേശങ്ങളിലും വളർത്തുമൃഗങ്ങൾ വന്യജീവികളുടെ ആക്രമണത്തിന് ഇരയാകാറുണ്ട്. അത്തരത്തിലൊരു വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധനേടുന്നത്. മദ്ധ്യപ്രദേശിലെ ഛത്തർപൂരിൽ നിന്നുള്ളതാണ് വീഡിയോ.

വീടിന്റെ ഗേറ്റ് ചാടിക്കടന്ന പുള്ളപ്പുലി വളർത്തുനായയെ കടിച്ചുകൊണ്ടുപോകുന്നതാണ് വീഡിയോയിലുള്ളത്. ഗേറ്റിന് പുറത്ത് മറ്റ് നായകളുടെ കരച്ചിൽ കേട്ടാണ് ആക്രമണത്തിന് ഇരയായ നായ ഗേറ്റിനടുത്തേയ്‌ക്ക് പോകുന്നത്. ഗേറ്റിന് പുറത്തേക്ക് നോക്കി നിൽക്കുന്ന നായ പെട്ടന്നു തന്നെ പിന്നിലേക്ക് ഓടുന്നത് വീഡിയോയിൽ കാണാം.

നിമിഷങ്ങൾക്കുള്ളിൽ പുള്ളിപ്പുലി ഗേറ്റ് ചാടി എത്തുകയും വളർത്തുനായയെ കടിച്ചുകൊണ്ടു പോകുകയുമായിരുന്നു. ഐഎഫ്എസ് ഉദ്യോഗസ്ഥനായ പർവീൺ കസ്വാനാണ് വീഡിയോ പങ്കുവെച്ചത്. ഇതൊടൊപ്പം അദ്ദേഹം കഴുത്തിൽ മുള്ളുകളുള്ള കവചം ധരിപ്പിച്ച ഒരു നായയുടെ ചിത്രവും പങ്കുവെച്ചിരുന്നു. വന്യമൃഗങ്ങളിൽ നിന്നും രക്ഷനേടാൻ വളർത്തുനായകൾക്ക് ഇത്തരത്തിലുള്ള കവചം അണിയിക്കാൻ അദ്ദേഹം ആവശ്യപ്പെടുന്നു.

See that leopard. Others don’t stand a chance. Via WA. pic.twitter.com/Ha3X9eBwWl

— Parveen Kaswan, IFS (@ParveenKaswan) December 24, 2021