മുംബൈ : റിലയൻസ് എന്ന മഹാസാമ്രാജ്യത്തിന്റെ ചുക്കാൻ മക്കളെ ഏൽപ്പിക്കുന്നുവെന്ന സൂചന നൽകി ചെയർമാൻ മുകേഷ് അംബാനി. ധീരുഭായ് അംബാനിയുടെ ജന്മദിനം ആഘോഷിച്ച് ഒരുക്കിയ റിലയൻസ് ഫാമിലി ഡേയിൽ സംസാരിക്കുകയായിരുന്നു അദ്ദേഹം.
“റിലയൻസ് ഇപ്പോൾ ഒരു സുപ്രധാന നേതൃമാറ്റം വരുത്താനുള്ള പ്രക്രിയയിലാണ്,” മുകേഷ് അംബാനി പറഞ്ഞു. വലിയ സ്വപ്നങ്ങളും അസാധ്യമായ ലക്ഷ്യങ്ങളും കൈവരിക്കുക എന്നതിന് ശരിയായ ആളുകളെയും ശരിയായ നേതൃത്വത്തെയും തെരഞ്ഞെടുക്കേണ്ടത് ആവശ്യമാണ് . എന്റെ തലമുറയിലെ മുതിർന്നവരിൽ നിന്ന് അടുത്ത തലമുറയിലെ യുവ നേതാക്കളിലേക്കുള്ള സുപ്രധാനമായ ഒരു നേതൃമാറ്റം നടത്താനുള്ള ശ്രമത്തിലാണ് റിലയൻസ് ഇപ്പോൾ . നേതൃമാറ്റം വേഗത്തിലാക്കാൻ താൻ ആഗ്രഹിക്കുന്നുവെന്നും മുകേഷ് അംബാനി കൂട്ടിച്ചേർത്തു.
വരും വർഷങ്ങളിൽ ലോകത്തിലെ ഏറ്റവും ശക്തവും പ്രശസ്തവുമായ ഇന്ത്യൻ മൾട്ടിനാഷണൽ കമ്പനിയായി റിലയൻസ് മാറും . എല്ലാ മുതിർന്നവരും – ഞാനുൾപ്പെടെ – ഇപ്പോൾ റിലയൻസിലെ ഉയർന്ന കഴിവുള്ള, അങ്ങേയറ്റം പ്രതിബദ്ധതയുള്ള, അവിശ്വസനീയമാംവിധം വാഗ്ദാനമുള്ള യുവ നേതൃത്വ പ്രതിഭകൾക്ക് വഴങ്ങണം, . നാം അവരെ നയിക്കണം, അവരെ പ്രാപ്തരാക്കണം, അവരെ പ്രോത്സാഹിപ്പിക്കണം, അവരെ ശാക്തീകരിക്കണം… അവർ നമ്മളേക്കാൾ മികച്ച പ്രകടനം കാഴ്ചവയ്‌ക്കുമ്പോൾ കൈയ്യടിച്ച് അഭിനന്ദിക്കണം,” അദ്ദേഹം കൂട്ടിച്ചേർത്തു
നേതാക്കളെ മറികടക്കുന്ന ഒരു സ്‌കാരം റിലയൻസിൽ കെട്ടിപ്പടുക്കണമെന്നും മുകേഷ് അംബാനി പറഞ്ഞു. ആകാശ്, ഇഷ, അനന്ത് എന്നിവർ അടുത്ത തലമുറയിലെ നേതാക്കളെന്ന നിലയിൽ റിലയൻസിനെ കൂടുതൽ ഉയരങ്ങളിലേക്ക് നയിക്കുമെന്നതിൽ എനിക്ക് സംശയമില്ല. ദശലക്ഷക്കണക്കിന് ജീവിതങ്ങളിൽ മാറ്റം വരുത്തുന്നതിനും ഇന്ത്യയുടെ വളർച്ചയ്‌ക്ക് സംഭാവന നൽകുന്നതിനും വെല്ലുവിളികൾ ഏറ്റെടുത്ത വ്യവസായിക്കും അദ്ദേഹത്തിന്റെ പിതാവിനും ഉണ്ടായിരുന്ന അതേ തീപ്പൊരിയും സാധ്യതയും ഇവരിലും കണ്ടതായി മുകേഷ് അംബാനി പറഞ്ഞു.
Comments