മോഹൻലാൽ നായകനായെത്തുന്ന പുതിയ ചിത്രം ആറാട്ടിന്റെ ട്രെയിലറിന് മുൻപുള്ള പ്രമോ വീഡിയോ റിലീസ് ചെയ്തു. സിനിമയുടെ ട്രെയ്ലർ ജനുവരി ഒന്നിന് 11 മണിക്ക് പുറത്തിറങ്ങും. ‘വില്ലൻ’ എന്ന ചിത്രത്തിനു ശേഷം ബി ഉണ്ണികൃഷ്ണൻ മോഹൻലാലിനെ നായകനാക്കി ഒരുക്കുന്ന ചിത്രമാണ് ആറാട്ട്. നെയ്യാറ്റിൻകര ഗോപൻ എന്ന കഥാപാത്രത്തെയാണ് മോഹൻലാൽ അവതരിപ്പിക്കുന്നത്.
ആഘോഷങ്ങൾക്കിടയിലേക്ക് മോഹൻലാൽ ബെൻസ് കാറിൽ എത്തുന്ന രംഗമാണ് വീഡിയോയിലുള്ളത്. ആഘോഷങ്ങൾക്ക് തുടക്കമായി എന്ന് പ്രേക്ഷകരെ ഓർമ്മിപ്പിക്കുന്നത് കൂടിയാണ് ചിത്രത്തിന്റെ പ്രമോ വീഡിയോ.
വിജയ് ഉലകനാഥാണ് ചിത്രത്തിന്റെ ഛായാഗ്രഹണം. എഡിറ്റർ സമീർ മുഹമ്മദാണ്. രാഹുൽ രാജ് ആണ് സംഗീതം നൽകുന്നത്. ശ്രദ്ധ ശ്രീനാഥ് നായികയാവുന്ന ചിത്രത്തിൽ നെടുമുടി വേണു, സായ് കുമാർ, സിദ്ദിഖ്, വിജയരാഘവൻ തുടങ്ങി വലിയ താരനിര തന്നെ അണിനിരക്കുന്നു. ഫെബ്രുവരി 10നാണ് ചിത്രംറിലീസ് ചെയ്യുന്നത്.
