ന്യൂഡൽഹി: പറക്കലിനിടെ ഹെലികോപ്റ്റർ പാടശേഖരത്തിലിറക്കി വൈമാനികർ. ഹരിയാനയിലാണ് കരസേനയുടെ ഹെലികോപ്റ്റർ അടിയന്തിരമായി പാടശേഖരത്തിൽ ഇറക്കേണ്ടിവന്നത്. നാല് സൈനികരാണ് ഹെലികോപ്റ്ററിലുണ്ടായിരുന്നത്. കരസേനയുടെ ഐ.എ 1105 ഹെലികോപ്റ്ററാണ് പാടശേഖരത്തിലിറക്കിയത്.
പരിശീലന പറക്കിലിനിടയിലാണ് അസ്വാഭാവികത തോന്നിയതോടെ വൈമാനികർ ഹെലികോപ്റ്റർ ഇറക്കിയത്. നർവാനാ പട്ടണത്തിന് സമീപത്തെ ജാജൻവാല ഗ്രാമത്തിലെ വിശാലമായ പാടശേഖരത്തിൽ ഹെലികോപ്റ്റർ ഇറക്കേണ്ടിവന്നത്.
തങ്ങളുടെ ഗ്രാമത്തിലേക്ക് ഹെലികോപ്റ്റർ താഴ്ന്നുവരുന്നത് കണ്ട് ആദ്യം ഗ്രാമവാസികൾ പരിഭ്രാന്തിയിൽ ഒച്ചവെയ്ച്ചോടുകയായിരുന്നു. എന്നാൽ പിന്നീടത് കൗതുകത്തിന് വഴിമാറി. നൂറുകണക്കിന് ഗ്രാമീണരാണ് പാടശേഖരത്തിലെ ഹെലികോപ്റ്ററിന് ചുറ്റുംകൂടിയത്. സൈനികർക്ക് വെള്ളവും ഭക്ഷണവും കൊടുക്കാനും ഗ്രാമവാസികൾ തയ്യാറായി. തൊട്ടടുത്ത പട്ടണത്തിൽ നിന്നുള്ള പോലീസ് സംഘമാണ് ആദ്യം ഗ്രാമത്തിലേക്ക് എത്തിയത്.
Comments