ന്യൂഡൽഹി: പ്രധാനമന്ത്രി നരേന്ദ്രമോദിയെ പഞ്ചാബിൽ തടഞ്ഞ സംഭവം ദുഃഖകരമെന്ന് എംഎ യൂസഫലി. പഞ്ചാബിലെ സംഭവം ദൗർഭാഗ്യകരമാണെന്ന് യൂസഫലി പറഞ്ഞു. പ്രധാനമന്ത്രി നരേന്ദ്രമോദിയ്ക്ക് ആരോഗ്യവും ദീർഘായുസും ലഭിക്കുന്നതിനായി പ്രത്യേക പ്രാർത്ഥനകൾ നടത്തിയതായും യൂസഫലി അറിയിച്ചു. ട്വിറ്ററിലൂടെയാണ് അദ്ദേഹത്തിന്റെ പ്രതികരണം.
യൂസഫലിയുടെ വാക്കുകൾ ഇങ്ങനെ ‘പഞ്ചാബ് സന്ദർശനത്തിനിടെ പ്രധാനമന്ത്രിയുടെ വാഹനം തടഞ്ഞത് തികച്ചും ദൗർഭാഗ്യകരമായ സംഭവമാണ്. നമ്മുടെ രാജ്യത്തെ തുടർന്നും നയിക്കാനും വരും തലമുറയ്ക്ക് സമൃദ്ധിയുണ്ടാകാനും പ്രധാനമന്ത്രിയ്ക്ക് നല്ല ആരോഗ്യവും ദീർഘായുസ്സും ലഭിക്കാൻ പ്രത്യേക പ്രാർത്ഥനകൾ നടത്തി’ യൂസഫലി കുറിച്ചു.
It was very sad & unfortunate that our Hon'ble PM Shri @narendramodi ji's road travel was disturbed in Punjab. We have conducted special prayers for our PM to grant good health & long life to continue to lead our country & for the prosperity of our future generation @PMOIndia
— Yusuffali M. A. (@Yusuffali_MA) January 6, 2022
ബുധനാഴ്ചയാണ് നരേന്ദ്രമോദി പഞ്ചാബ് സന്ദർശിച്ചത്. ഇതിനിടെ കാർഷിക നിയമങ്ങളുടെ പേരിൽ പ്രതിഷേധിക്കുന്നവർ അദ്ദേഹത്തിന്റെ വാഹനം തടയുകയും പതിനഞ്ച് മിനിറ്റിലധികം നേരം പ്രധാനമന്ത്രിയുടെ വാഹനം വഴിയിൽ കിടക്കുകയുമാണ് ഉണ്ടായത്. ഹുസൈനിവാലയിൽ രക്തസാക്ഷി സ്മാരകത്തിൽ ആദരാഞ്ജലി അർപ്പിക്കാനും ഫിറോസ്പൂരിൽ റാലിയിൽ പങ്കെടുക്കാനും റോഡ് മാർഗം പോകുന്നതിനിടെ ആയിരുന്നു സംഭവം.
