തിരുവനന്തപുരം : സിനിമ ആസ്വാദകർക്കിടയിൽ തരംഗമായി ബ്രോഡാഡി ട്രെയിലർ. ഇതുവരെ 20 ലക്ഷം പേരാണ് സിനിമയുടെ ട്രെയിലർ കണ്ടത്. ബോക്സ് ഓഫീസിൽ വൻ വിജയമായി മാറിയ ലൂസിഫറിന് ശേഷം മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ഏറ്റവും പുതിയ ചിത്രമാണ്ബ്രോഡാഡി.
ഡിസ്നി പ്ലസ് ഹോട്സ്റ്റാറിന്റെ ഏറ്റവും പുതിയ മലയാളം യൂട്യൂബ് ചാനൽ ആയ ഡിസ്നി പ്ലസ് ഹോട്സ്റ്റാർ മലയാളം വഴിയാണ് ട്രെയിലർ പുറത്ത് വിട്ടത്.ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് ചിത്രം നിർമ്മിച്ചിരിക്കുന്നത്.
പൂർണമായും കോമഡിക്ക് പ്രാധാന്യം നൽകുന്ന ചിത്രമാവും ബ്രോഡാഡി എന്നാണ് ട്രെയിലർ സൂചിപ്പിക്കുന്നത്. ട്രെയിലറിലെ ലാലേട്ടന്റെ പ്രകടനം ഇതിനോടകം ആരാധകരും പ്രേക്ഷക സമൂഹവും ഏറ്റെടുത്തു കഴിഞ്ഞു. മലയാളികൾ കാണാൻ ആഗ്രഹിച്ച ലാലേട്ടൻ എന്നാണ് ട്രെയിലറിനെ കുറിച്ച് ആരാധകർ പറയുന്നത്. ഡിസ്നി പ്ലസ് ഹോട്സ്റ്റാർ വഴി ജനുവരി 26 ന് ചിത്രം പ്രേക്ഷകർക്ക് മുന്നിലെത്തും.
മോഹൻലാലിനും പൃഥ്വിരാജിനും പുറമേ മീന കല്യാണി പ്രിയദർശൻ ലാലു അലക്സ്,കനിഹ, ജഗദീഷ്, മല്ലികാ സുകുമാരൻ, ഉണ്ണിമുകുന്ദൻ സൗബിൻ ഷാഹിർ, ജാഫർ ഇടുക്കി, എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു
ശ്രീജിത്ത് എൻ ഉം ബിബിൻ മാളിയേക്കലും ചേർന്ന് തിരക്കഥ ഒരുക്കിയ ചിത്രത്തിൽ ദീപക് ദേവാണ് സംഗീത സംവിധാനം നിർവഹിച്ചിരിക്കുന്നത്.കഴിഞ്ഞ കൊറോണ കാലത്ത് ഹൈദരാബാദിൽ വെച്ചായിരുന്നു സിനിമയുടെ ചിത്രീകരണം.
