പത്തനംതിട്ട: അയ്യപ്പന് നേർച്ചയായി അമൂല്യ രത്നങ്ങൾ പതിപ്പിച്ച സ്വർണ്ണ കിരീടം നൽകി വ്യവസായി. ആന്ധ്രാ കർണൂർ ജില്ലക്കാരനായ മാറം വെങ്കിട്ട സുബ്ബയ്യയാണ് അമൂല്യ രത്നങ്ങൾ പതിപ്പിച്ച കിരീടം ഭഗവാന് നേർച്ചയായി സമർപ്പിച്ചത്.
സന്നിധാനത്ത് 30 വർഷമായി മുടങ്ങാതെ എത്തുന്ന ഭക്തനായിരുന്നു വെങ്കിട്ട സുബ്ബയ്യ. അടുത്തിടെ കൊറോണ ബാധിച്ച് 15 ദിവസത്തോളം ഐസിയുവിൽ ചികിത്സയിലായിരുന്നു ഇദ്ദേഹം.
മരണവുമായി മല്ലിട്ടു. അയ്യപ്പനാണ് ജിവിതത്തിലേക്ക് കൈപിടിച്ചു നടത്തിയതെന്ന് വെങ്കിട്ട സുബ്ബയ്യ പറയുന്നു. രോഗം ഭേദപ്പെട്ടതോടെയാണ് രത്ന കിരീടം സമർപ്പിച്ചത്.
Comments