ന്യൂഡൽഹി: ഇന്ത്യാ ഓപ്പൺ പുരുഷ വിഭാഗം ബാഡ്മിന്റൺ കിരീടം സ്വന്തമാക്കി ലക്ഷ്യാ സെൻ. ലോകചാമ്പ്യൻ ലോ കീൻ യൂവിനെയാണ് ലക്ഷ്യാ അട്ടിമറിച്ചത്. ആദ്യമായാണ് അരങ്ങേറ്റ ടൂർണ്ണമെന്റിൽ ഒരു ഇന്ത്യൻ താരം കിരീടം ചൂടുന്നത്. 24-22, 21-17 എന്ന നിലയിലാണ് ലക്ഷ്യാ സെൻ സിംഗപൂരിന്റെ ലോക താരമായ എതിരാളിയെ മറികടന്നത്. കൊറോണ വ്യാപനത്തിനിടയിലും ടൂർണ്ണമെന്റ് പൂർത്തിയാക്കുകയായിരുന്നു.
കഴിഞ്ഞ സെപ്തംബറിൽ ഇന്ത്യയുടെ തന്നെ കിഡംബി ശ്രീകാന്തിനെ തോൽപ്പിച്ച് ലോകചാമ്പ്യനായ താരത്തെ മറ്റൊരു ഇന്ത്യൻ താരം സ്വന്തം നാട്ടിൽ അട്ടിമറിച്ചത് പകരംവീട്ടലായി. 54 മിനിറ്റുകൊണ്ടാണ് ലക്ഷ്യ എതിരാളിയെ മുട്ടുകുത്തിച്ചത്.
ആദ്യ ഗെയിമിൽ 16-10ന്റെ ലീഡ് നേടിയാണ് ലക്ഷ്യാ സെൻ മുന്നേറിയത്. കൂടുതൽ പരിചയ സമ്പന്നനായ ലോ കീൻ 19-19ന് സമനില പിടിച്ചെങ്കിലും ലക്ഷ്യാ സെൻ ആദ്യ ഗെയിം 24-22ന് സ്വന്തമാക്കി. രണ്ടാം ഗെയിമും ആവേശകരമായ 19-17 വരെ എത്തിയെങ്കിലും ലക്ഷ്യാ സെൻ നിർണ്ണായകമായ അഞ്ചു പോയിന്റുകൾ നേടിയാണ് ലക്ഷ്യാ കിരീടം നേടിയത്.
Comments