ദുബായ്: അന്താരാഷ്ട്ര ക്രിക്കറ്റ് കൗൺസിൽ പുതിയ സീസണിലെ ടെസ്റ്റ് ചാമ്പ്യൻഷിപ്പ് റാങ്കിംഗ് പുറത്തിറക്കി. 2021-2022 സീസണിലെ റാങ്കിംഗിൽ ശ്രീലങ്കയാണ് ജനുവരി വരെയുള്ള പോയിന്റ് നിലയിൽ മുന്നിലുള്ളത്. ഓസ്ട്രേലിയ രണ്ടാമതും പാകിസ്താൻ മൂന്നാമതുമാണ്.
പരമ്പര വിജയം നേടിയതോടെ ഇന്ത്യയെ മറികടന്ന് ദക്ഷിണാഫ്രിക്ക നാലാം സ്ഥാനത്തേക്ക് കയറി. ആഷസ്സിൽ തകർന്നടിഞ്ഞ ഇംഗ്ലണ്ട് അവസാനക്കാരായി 9-ാം സ്ഥാനത്താണ്. സീസണിൽ ഇന്ത്യ ഇതുവരെ 3 പരമ്പര കളിച്ചുകഴിഞ്ഞു.
കഴിഞ്ഞ സീസണിൽ ടെസ്റ്റ് ചാമ്പ്യൻഷിപ്പ് ഫൈനലിൽ ഇന്ത്യ ന്യൂസിലാന്റിനോട് പരാജയപ്പെട്ടിരുന്നു. ഇംഗ്ലണ്ട്, പാകിസ്താൻ,ന്യൂസിലാന്റ്, ബംഗ്ലാദേശ്, വെസ്റ്റിൻഡീസ് എന്നീ ടീമുകൾ രണ്ടു പരമ്പര പൂർത്തിയാക്കി. പാകിസ്താനും ഓസ്ട്രലിയയും ദക്ഷിണാഫ്രിക്കയും ഓരോ ടെസ്റ്റ് മത്സരങ്ങൾ മാത്രമാണ് സീസണിൽ പൂർത്തി യാക്കിയിട്ടുള്ളത്.
