ദുബായ്: കഴിഞ്ഞ ടി20 ലോകകപ്പിലേറ്റ തോൽവിക്ക് പകരംവീട്ടാൻ ടീം ഇന്ത്യക്ക് അസുലഭ അവസരം ഒത്തുവന്നിരിക്കുന്നു. ഓസ്ട്രേലിയയിൽ നടക്കാനിരിക്കുന്ന അടുത്ത ടി20 ലോകകപ്പിൽ ഇന്ത്യയും പാകിസ്താനും ഒരു ഗ്രൂപ്പിലാണ് സ്ഥാനം പിടിച്ചിരിക്കുന്നത്.
നിലവിൽ നിശ്ചയിച്ചിരിക്കുന്ന മത്സരക്രമം അനുസരിച്ച് 2022 ഒക്ടോബർ 23ന് മെൽബണിൽ ഇന്ത്യയും-പാകിസ്താനും ഏറ്റുമുട്ടും. ഗ്രൂപ്പ് രണ്ടിലാണ് ഇന്ത്യയും പാകിസ്താനുമുള്ളത്. ഒപ്പം ഏഷ്യൻ മേഖലയിൽ നിന്ന് ബംഗ്ലാദേശും അതേ ഗ്രൂപ്പിലുണ്ട്. വെസ്റ്റിൻഡീസും നമീബിയയും ഗ്രൂപ്പിലേക്ക് എത്തിയേക്കുമെന്നാണ് സൂചന.
യോഗ്യതാ റൗണ്ടിൽ അടക്കം ആകെ 16 ടീമുകൾ മത്സരിക്കും. ഇന്ത്യ, ഓസ്ട്രേലിയ, അഫ്ഗാനിസ്ഥാൻ, ബംഗ്ലാദേശ്, ഇംഗ്ലണ്ട്, പാകിസ്താൻ, ന്യൂസിലാന്റ്, ദക്ഷിണാഫ്രിക്ക എന്നീ ടീമുകൾ സൂപ്പർ 12ലേക്ക് നേരിട്ട് യോഗ്യത നേടിയിട്ടുണ്ട്. ഗ്രൂപ്പ് ഒന്നിൽ നിലവിലെ ചാമ്പ്യന്മാരായ ഓസ്ട്രേലിയ, ന്യൂസിലാന്റ്, ഇംഗ്ലണ്ട്, അഫ്ഗാനിസ്ഥാൻ, ശ്രീലങ്ക, സ്കോട്ലാന്റ് എന്നീ ടീമുകളാണുള്ളത്.
ഒക്ടോബർ 16 മുതൽ നവംബർ 13 വരെ ഓസ്ട്രേലിയയിലാണ് ടി20 ലോകകപ്പ് നടക്കുന്നത്. ഏഴ് വേദികളിലായി ആകെ 45 മത്സരങ്ങളാണ് തീരുമാനി ച്ചിരിക്കുന്നത്. സെമിഫൈനൽ സിഡ്നി, അഡ്ലൈയ്ഡ് എന്നിവിടേയും ഫൈനൽ മെൽബണിലും നടക്കും.
Comments