ഡൽഹി:കൊറോണ വ്യാപനത്തിന്റെ പുതിയ സാഹചര്യങ്ങൾ വിലയിരുത്താൻ ഇന്ന് ഡൽഹിയിൽ നിർണ്ണായക യോഗം. കേന്ദ്ര ആരോഗ്യ മന്ത്രാലയമാണ് അടിയന്തിര യോഗം വിളിച്ചുചേർത്തത്. രാവിലെ 10:30 ന് വെർച്വൽ ആയി നടക്കുന്ന യോഗത്തിൽ കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ പങ്കെടുക്കും.
9 സംസ്ഥാനങ്ങളിൽ നിന്നുള്ള ആരോഗ്യമന്ത്രിമാർ, പ്രിൻസിപ്പൽ സെക്രട്ടറിമാർ എന്നിവരുമായി കേന്ദ്ര മന്ത്രി ആശയവിനിമയം നടത്തും. ഹിമാചൽപ്രദേശ്, പഞ്ചാബ്, ഹരിയാന, ഉത്തരാഖണ്ഡ്, ഡെൽഹി, ഉത്തർപ്രദേശ്, ജമ്മു കശ്മീർ,ലഡാക്ക് എന്നിവിടങ്ങളിൽ നിന്നുള്ള പ്രതിനിധികളാണ് യോഗത്തിൽ പങ്കെടുക്കുക.
മഹാരാഷ്ട്ര, മദ്ധ്യപ്രദേശ്,ഗോവ,രാജസ്ഥാൻ,ഗുജറാത്ത് എന്നീ സംസ്ഥാനങ്ങളിൽ നിന്നുള്ള ആരോഗ്യമന്ത്രിമാരുമായി ഇന്നലെ ചർച്ച നടത്തിയിരുന്നു. 5760 പുതിയ കൊറോണ കേസുകളാണ് ഇന്നലെ ഡൽഹിയിൽ റിപ്പോർട്ട് ചെയ്തത്. രോഗവ്യാപനം രൂക്ഷമായ രാജ്യതലസ്ഥാനത്ത് 4,4464 കൺടെയ്ൻമെന്റ് സോണുകളുണ്ട്.
