ന്യൂഡൽഹി: ഡോ.വെങ്കിട്ടരാമൻ അനന്ത നാഗേശ്വർ മുഖ്യ സാമ്പത്തിക ഉപദേഷ്ടാവായി ചുമതലയേറ്റു.ക്രഡിറ്റ് സ്യുസ് ഗ്രൂപ്പ് എജിയുടെയും ജൂലിയസ് ബെയർ ഗ്രൂപ്പിന്റെയും അക്കാദമികനും മുൻ എക്സിക്യൂട്ടീവുമാണ് അദ്ദേഹം.
മുൻ സിഇഎ കെ വി സുബ്രഹ്മണ്യൻ വിരമിച്ച ഒഴിവിലാണ് നിയമനം.ഫെബ്രുവരി ഒന്നിന് ബജറ്റ് അവതരിപ്പിക്കാനിരിക്കെയാണ് ഡോ. വി അനന്ത നാഗേശ്വർ മുഖ്യ സാമ്പത്തിക ഉപദേഷ്ടാവായി ചുമതലയേൽക്കുന്നത്.
2019 മുതൽ 2021 വരെ ഇന്ത്യൻ പ്രധാനമന്ത്രിയുടെ സാമ്പത്തിക ഉപദേശക സമിതിയുടെ പാർട്ട് ടൈം അംഗമായി പ്രവർത്തിച്ചിട്ടുള്ളയാളാണ് ഡോ.വെങ്കിട്ടരാമൻ അനന്ത നാഗേശ്വർ ഡോ. നാഗേശ്വരൻ എഴുത്തുകാരൻ, എഴുത്തുകാരൻ, അദ്ധ്യാപകൻ, കൺസൾട്ടന്റ് എന്നീ നിലകളിൽ തന്റേതായ വ്യക്തി മുദ്ര പതിപ്പിച്ചിട്ടുള്ളയാളാണ്.
1985ൽ അദ്ദേഹം അഹമ്മദാബാദിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റിൽ നിന്ന് (ഐഐഎം) മാനേജ്മെന്റിൽ ബിരുദാനന്തര ഡിപ്ലോമ നേടി. പിന്നീട് 1994ൽ മസാച്യുസെറ്റ്സ് ആംഹെർസ്റ്റ് സർവകലാശാലയിൽ നിന്ന് ഡോക്ടറൽ ബിരുദം നേടി. 1994 നും 2011 നും ഇടയിൽ സ്വിറ്റ്സർലൻഡിലെയും സിംഗപ്പൂരിലെയും നിരവധി സ്വകാര്യ വെൽത്ത് മാനേജ്മെന്റ് സ്ഥാപനങ്ങൾക്കായി മാക്രോഇക്കണോമിക്, ക്യാപിറ്റൽ മാർക്കറ്റ് ഗവേഷണത്തിൽ അദ്ദേഹം നിരവധി നേതൃപരമായ റോളുകൾ വഹിച്ചിട്ടുണ്ട്.
